«ÁBÝ NASYR ÁL-FARABI» MEShITINDE «QURANYM-MÁŃGI QORǴANYM» ATTY RÝHANI KESh ÓTTI (FOTO)
«Ábý Nasyr ál-Farabı» meshiti janyndaǵy «Jibek» qyz-kelinshekter klýbynyń uıymdastyrýymen «Quranym – máńgi qorǵanym» atty dástúrli rýhanı Quran keshi ótti. Shara barysynda meshit ustazy Aıgerim Qadyldyń atsalysýymen Qurandy múdirmeı oqıtyn dárejege jetken 70 áıel shákirt arnaıy sertıfıkatpen marapattaldy.
Shákirtterdiń qurmetine aq dastarhan jaıylyp, ıgi jaqsylardyń basy qosylǵan jıynda úlkender aq batasyn berip jatty. Sondaı-aq meshit tarapynan daıyndalǵan syı-sııapat tartý etildi.
Sharaǵa qonaq retinde kelgen «Áziret Sultan» meshitiniń ustazy, «Ájeler mektebi» klýbynyń jetekshisi Kúlsara Beket jáne respýblıkalyq bas meshittiń ustazy Qarlyǵash Qajymálikqyzy Quran oqýdyń dinimizdegi mańyzy men saýaby jaıly maǵynaly nasıhat aıtty. Perishteler bilim jolyna túsken adamǵa qanatyn jaıatynyn, kókter men jerdegiler ol úshin duǵa jasaıtynyn aıta kele, alǵan bilimi aqyretine azyq bolýyn tiledi.
Derekkóz: ummet.kz saıty
