«Ábý Nasyr ál-Farabı» meshitinde qaıyrymdylyq jármeńkesi ótti (FOTO)

Oraza aıt meıramy elordalyq turǵyndar men qala qonaqtary úshin sán-saltanatymen atalyp ótti. Bul meıram mádenı-sporttyq sharalarmen qatar qaıyrymdylyq jumysymen de eldiń esinde qaldy.

«Ábý Nasyr ál-Farabı» meshitinde Oraza aıt merekesi aıasynda «Meıirimdilik jármeńkesi» ótti. Oǵan meshit ustazy Áıgerim Qaıratqyzy men meshit janyndaǵy «Jibek» qyz-kelinshekter klýby, qyz balalardan quralǵan shákirtter tolyqtaı atsalysty. 

Sharanyń maqsaty – jármeńke qarajatymen muqtaj jandarǵa qaıyrymdylyq kórsetý. Jármeńkedegi túrli tátti taǵamdardy «Ábý Nasyr ál-Farabı» meshitiniń áıel jamaǵaty usyndy. Jármeńkeden túsken qarajat meshitke tirkelgen turmysy tómen otbasylarǵa, aýyr syrqatqa dýshar bolǵan jandardyń emine kómek retinde úlestiriletin bolady.