Abaı Qunanbaıulynyń 175 jyldyǵyna arnalǵan joba tanystyryldy

Mádenıet jáne sport vıtse-mınıstri Nurǵısa Dáýeshov Qyrǵyz eliniń Osh qalasynda ótken Halyqaralyq túrki mádenıeti men ónerin birlesip damytý (TÚRKSOI) uıymy Mádenıet mınıstrleriniń 37-otyrysyna qatysty.

Mádenıet mınıstrliginiń málimetinshe, shara barysynda Nurǵısa Dáýeshov Abaı Qunanbaıulynyń 175 jyldyǵyn atap ótýge arnalǵan jobany tanystyrdy. TÚRKSOI Bas hatshysy Dúısen Qaseıinov pen ózge de uıym músheleri tanystyrylymnan soń 2020 jyldy túrkitildes elderde aqynnyń mereıtoıyn atap ótýdi bir aýyzdan qoldady.

Sondaı-aq, mınıstrler osy jyly baýyrlas memleketter arasyndaǵy mádenıet, óner salasyndaǵy baılanystar jaıyn talqylady. Otyrys barysynda 2020 jyly túrki elderiniń mádenı astanasy bolyp Ózbekstannyń Hıýa qalasy belgilendi.

Is-sharaǵa Qyrǵyz eliniń Mádenıet, aqparat jáne týrızm mınıstri Azamat Jamanqulov, Osh qalasynyń mEri Taalaıbek Sarybashev, Túrkııa Mádenıet mınıstriniń orynbasary Nádir Alyp Aslan, Ázirbaıjan Mádenıet mınıstriniń orynbasary Rafıg Baıramov, Ózbekstan Mádenıet mınıstriniń orynbasary Kamola Akılova, Túrkimenstan Mádenıet mınıstriniń orynbasary Gýrbanmurad Myradalıev, TÚRKSOI uıymy elderine qarasty memleketterden kelgen ózge de mártebeli qonaqtar qatysty.