600 muqtaj otbasyǵa azyq-túlik qoraby taratyldy (FOTO)
Búgin QMDB Tóraǵasy, Bas múftı Naýryzbaı qajy Taǵanulynyń bastamasymen qolǵa alynǵan «Júrek jylýy» qaıyrymdylyq kerýeni elordada jalǵasyn tapty. Aktsııa aıasynda Nur-Sultan qalasynda turatyn 600 muqtaj otbasyǵa azyq-túlik qoraby taratyldy.
«Elimizde tótenshe jaǵdaı jarııalanǵan kúnnen bastap QMDB «Júrek jylýy» qaıyrymdylyq aktsııasyn qolǵa aldy. Mundaǵy maqsatymyz – tótenshe jaǵdaı kezinde qıyndyq kórgen muqtaj jandarǵa azyq-túlik, qarjylaı, basqa da qoldaý kórsetý. Osy maqsatta QMDB janyndaǵy «Zeket» qaıyrymdylyq qory arnaıy aktsııa uıymdastyryp, karantınge jabylǵan Nur-Sultan, Almaty qalalary turǵyndaryna járdem kórsetti. Almatyda – 1000-nan astam, Nur-Sultanda 1500 otbasyǵa azyq-túlik kómegin jetkizdi. Búgin osy saýapty shara jalǵasyn taýyp, elordadaǵy 600-ge jýyq otbasyǵa «Zeket» qory daıyndaǵan «Júrek jylýy» jetkiziledi», – dedi Naýryzbaı qajy Taǵanuly.
Bas múftı, sondaı-aq, mundaı qoldaýlardyń karantın talaptaryna saı, eriktilerdiń járdemi arqyly júzege asyp jatqanyna toqtala kele, kómekke qol ushyn bergen el azamattary men eriktiler tobyna alǵys aıtty.
Aıta keteıik, QMDB-nyń «Zeket» qory elimizde tótenshe jaǵdaı jarııalanǵan kúnnen bastap qaıyrymdylyq sharalaryn arttyryp, muqtaj otbasylarǵa járdemdesip keledi. Aýyly sý astyndaǵy qalǵan Túrkistan oblysy Maqtaaral aýdany turǵyndaryna QMDB-nyń óńirdegi óńildikteri qarjylaı, azyq-túlik, basqa da qajetti kómek jetkizdi.
