530 meshitte qajylyq dárisi ótti (FOTO)
2019 jyly qajylyq maýsymy qarsańynda 530 meshitte Qajylyq jáne Ýmra dáristeri uıymdastyryldy. Bul týraly Qazaqstan musylmandary dinı basqarmasy Qajylyq bóliminiń basshysy Jándilla Bekjigitov habarlady.
«Dáristi ótkizýdegi maqsat – otandastarymyzdyń uly saparǵa rýhanı daıyndyǵyn pysyqtaý, tolǵandyrǵan saýaldaryna tolyq jaýap berý. Osy maqsatta elimiz boıynsha 530 meshitte qajylyq saparyna baılanysty semınar ótti. Onda qajylyqtyń paryzdary, rásimderi, qurbandyq shalý, táýap etý, Arafat taýy men Mına jazyǵynda atqarylatyn amaldar, t.b. sharttar men rúkinder túsindirildi. Semınarda arnaıy beınerolıkter kórsetilip, suraqtarǵa jaýap berildi. Ihram kııý, shash aldyrý sııaqty sharıǵı sharttar jaıynda aıat-hadısterden dálelder keltirilip, qajylarǵa qajetti mańyzdy málimetter jetkizildi» deıdi Jándilla Mamythanuly.
Aıta ketsek, 2019 jyly elimiz boıynsha 3200 otandasymyz qajylyq paryzyn ótep qaıtty.
