50 otbasyǵa «Bas múftı tartýy» tabystaldy (FOTO+VIDEO)

Búgin QMDB Nur-Sultan qalasy ókildiginiń uıymdastyrýmen el astanasyndaǵy «Baqytty shańyraq» múgedektigi bar bala tárbıeleıtin otbasylar qoryna gýmanıtarlyq járdem kórsetildi. Buǵan deıin de birneshe márte qaıyrymdylyq sharasyn ótkizip, qor múshelerine turaqty túrde  járdem kórsetip kele jatqan din qyzmetkerleri bul joly 50 otbasyǵa azyq-túlik sómkesin ulestirdi.

Elimizdiń tuǵyrly merekeleriniń biri – Ata zań kúni aıasynda ótken ıgi sharaǵa Nur-Sultan qalasynyń bas ımamy Erbolat Júsipov ózi qatysyp, qor múshelerine izgi tilegin bildirdi. Bas múftı Naýryzbaı qajy Taǵanulynyń ystyq iltıpatyn jetkizip, qor múshelerin búgingi merekemen quttyqtady.

Óz kezeginde «Baqytty shańyraq» múgedektigi bar bala tárbıeleıtin otbasylar qorynyń tóraıymy Pernesh Abdýkarımqyzy din qyzmetkerlerine aıryqsha alǵysyn bildirip, QMDB tarapynan únemi qoldaý taýyp kele jatqandyqtaryn aıtty.

Aıta ketsek, Ata zań kúni aıasynda Elordalyq ımamdarǵa QMDB tóraǵasy, Bas múftı Naýryzbaı qajy Taǵanuly tarapynan arnaıy azyq-túlik sómkeleri taratylǵan bolatyn.

Sýretterdi «FOTOGALEREIa» aıdarynan kóre alasyzdar!