40 jyldyń ishinde álemdegi jan-janýardyń 60 paıyzy quryp ketken

Jabaıy tabıǵat jónindegi Búkilálemdik qor jáne London zoologııalyq qoǵamdastyǵy jarııalaǵan baıandamada 1970-2014 jyldar aralyǵynda adamzat balasy jer betindegi maqluqattardyń 60 paıyzyn joıyp jibergeni aıtylady.

59 zertteý kompanııasynyń derekterine súıene otyryp jasalǵan baıandamada 16 704 topqa bólingen jan-janýar, baýyrymen jorǵalaýshy, balyq pen qus túrine baqylaý júrgizilgeni aıtylady. Olar usynǵan málimet boıynsha, jan-janýar túriniń 60 paıyzy jer betinen quryp bitken.

«Biz qurdymǵa ketýdiń az-aq aldynda turmyz.  Eger adamzat balasynyń 60 paıyzy azaıǵan bolatyn bolsa, Soltústik jáne Ońtústik Azııa, Afrıka, Eýropa, Qytaı aýmaǵynyń barlyǵy bos jatar edi», – Búkilálemdik qor dırektory Maık Barrett.

Ǵalymdardyń aıtýynsha, qyryq jyldyń ishinde quryp ketken ósimdikter men janýarlar álemin qalpyna keltirýge 5-7 mıllıon jyl qajet kórinedi.