«30 IGI ShARA» jobasy aıasynda Elordada qos nysan paıdalanýǵa berildi (FOTO+VIDEO)

Búgin Nur-Sultan qalasy ókildiginiń uıytqy bolýymen Qazaqstan musylmandary dinı basqarmasynyń mereıtoıyna arnalǵan «30 JYLDYQQA – 30 IGI ShARA» jobasy aıasynda qos birdeı nysan paıdalanýǵa berildi. Aıta keteıik, atalmysh aktsııa aıasynda Bas múftı Naýryzbaı qajy Taǵanulynyń bastamasymen ár óńirde qudyq, kópir sekildi jamaǵat ıgiligine arnalǵan nysandar turǵyzý josparlanǵan bolatyn.

Osy oraıda, qalalyq «Ár-Rahman» meshitiniń bas ımamy Rýslan Naqypbekulynyń járdemshi bolýymen kóp balaly meshit jamaǵatynyń úıine sý qubyryn tartý jumystary júrgizilip, ishýge jaramdy aýyz sý kirgizilip berildi. Atalmysh eldimekende qudyq qazýǵa ruqsat etilmegendikten, arnaıy sý qubyryn tarqyzýǵa muqtaj otbasynyń kópten beri qoly jetpeı júrgen edi.

Al, kelesi ıgilikti shara «Shapaǵat» bazary mańyndaǵy turǵyndar úshin tipten qýanyshty oqıǵa boldy. Kóshe boılaı tartylǵan gaz qubylarynyń astynan eńkeıip ótip bolmasa aınalma jol arqyly ótip júrgen júrginshilerge baspaldaq kópirdiń qajettiligi baıaǵydan-aq batyp júrgen bolatyn. Osyǵan baılanysty qalalyq «Ǵylmanı» meshitiniń jaýapkershiligimen baspaldaq kópir búgin paıdalanýǵa berildi.

Qos birdeı qýanyshty sharanyń ashylý saltanatyna Nur-Sultan qalasynyń bas ımamy Erbolat Júsipov bastaǵan din qyzmetkerleri qatysyp, izgi tilekterin bildirdi.

Sýretterdi «FOTOGALEREIa» aıdarynan kóre alasyzdar!