24-sáýir – Ramazan aıynyń birinshi kúni
Bas múftı Naýryzbaı qajy Taǵanuly Prezıdent janyndaǵy Ortalyq kommýnıkatsııalar qyzmetinde tikeleı Efırde ótken brıfıngte qasıetti Ramazan aıynyń bastalatyn kúnin málimdedi.
«Qazaqstan musylmandary dinı basqarmasy elimizdegi irgeli zertteý ortalyqtarynyń biri bolyp tabylatyn V.G.Fesenkov atyndaǵy «Ulttyq ǵaryshtyq zertteýler men tehnologııalar ortalyǵy» mekemesiniń ǵylymı málimetine súıenip, sondaı-aq kórshi Ózbekstan jáne Qyrǵyzstan musylmandary dinı basqarmalarymen keńesip, Ramazan aıynyń bastalatyn kúnin belgiledi. Sharıǵat úkimi men ǵylymı zertteý jumysynyń qorytyndysyna sáıkes, musylmandar asyǵa kútetin ramazan aıy bıyl elimizde 24 sáýir kúni bastalady degen sheshim qabyldandy», - dep atap ótti QMDB Tóraǵasy Naýryzbaı qajy Taǵanuly.
