174-shi úı kópbalaly anaǵa buıyrdy

Qazaqstan musylmandary dinı basqarmasy janynan qurylǵan «Zeket» qaıyrymdylyq qorynyń «El úlesi — páterge» aktsııasy aıasynda kezekti baspananyń ıesi belgili boldy.

Respýblıka boıynsha 174-shi úıdiń kilti Jangeldın aýdany Torǵaı selosynyń turǵyny, alty balasy bar ana Madına Qonysovaǵa buıyrdy.

Baspananyń kiltin Qostanaı oblysynyń Bas ımamy Baqytbek Nurǵabyluly Tájimbettiń arnaıy tapsyrmasymen Arqalyq qalalyq «Mýhtasıb Álmuhammed» meshitiniń Bas ımamy Darhan Islambekuly tabys etti.

Qýanysh ıelerine aýdan turǵyndary ári meshit jamaǵattary kilem tartý etti.Úlken shattyqqa bólengen januıa shynaıy rızashylyǵyn bildirip, alǵystaryn jaýdyrdy. Bul este qalarlyq oqıǵaǵa aýdan ákiminiń orynbasary, ardagerler keńesiniń tóraǵasy jáne jergilikti turǵyndar kýá boldy. Olar shańyraqty kórip, aqsaqaldar batasyn berdi.

Baspanaly bolǵan kóp balaly otbasynyń atynan jınalǵan qaýym jáne uıymdastyrýshylar, tilekshi jandar jaıylǵan dastarhannan dám tatty.