10 meshit shákirtteri arasynan «Bilimdi búldirshin» anyqtaldy (FOTO)

Bıylǵy jyldyń maýsym aıynan bastap Nur-Sultan qalasyndaǵy 10 meshit boıynsha «Imanı jaz – 2019» jazǵy saýat ashý kýrstary bastalǵan bolatyn. Úsh aptadan astam ýaqyt boıy mektep oqýshylaryna musylmansha hat tanytyp, ádep pen tárbıe, qulshylyq-ǵıbadat, senim negizderi pánderinen boıynsha bilim úıretip kelgen saýat ashý kýrsy búginde óz máresine jetip otyr.

Osyǵan oraı, bala shákirtterdiń jınaǵan bilimderin sarapqa salyp, yntalandyrý maqsatynda ár meshit boıynsha bilim saıystary ótkizilip kelgen bolatyn. Búgin osy bilim saıysynyń aqtyq kezeńi retinde respýblıkalyq «Áziret Sultan» meshitinde Nur-Sultan qalasy ókildigi boıynsha «Bilimdi búldirshin» atty bilim saıysy bolyp ótti. Búldirshinder arasyndaǵy bilim básekesine ár qulshylyq ordasynan úzdik dep tanylǵan bir qyz jáne er bala qatysyp, bas júldeni sarapqa saldy.

Qasıetti Quran aıattarymen ashylǵan bilim saıysyna qatysýshylarǵa QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly quttyqtaý lebizin bildirip, sáttilik tiledi. Jazǵy saýat ashý kýrsynda úırengen tálim-tárbıe men bilimderin odan ary tereńdetip, búldirshinderdi otansúıgish, ádepti de bilimdi bolyp ósýge shaqyrdy.

«Astana» medrese kolledjiniń dırektory Ibragım Smataev, QMDB Oqý-aǵartý bóliminiń mamany jańabaı Qojın, Nur-Sultan qalasy din problemalaryn zertteý ortalyǵynyń teolog mamany Murat Dosanálıevter bastaǵan ádilqazylar alqasynyń tóreligimen búldirshinder saıystyń tórt kezeńi boıynsha bilim deńgeılerin baıqatyp, jamaǵat aldynda ónerlerin pash etti. Atap aıtqanda, saıysqa qatysýshy shákirtterge «Shıratý», «Quran syıy», «Oılan, tap», «Upaıly uıashyq» kezeńderi boıynsha túrli suraqtar qoıylyp, synaqtar berildi.

Tórt kezeń boıynsha jınaǵan upaı sandaryn esepteı kele ádilqazylar alqasy uıǵarymymen jarys júldesi tómendegideı bólindi:

I-oryn –  «Áziret Sultan» meshitiniń shákirtteri: Asqar Abdýrahman, Asqar Qaraqat.
2-oryn – «Nur Astana» meshitiniń shákirtteri: Alǵabas Ernar, Amanjol Ińkár.
3-oryn – «Ǵylmanı» meshitiniń shákirtteri: Amanjol Rahymjan, Haman Fatıma
Yntalandyrý: «Áljan ana» meshitiniń shákirtteri: Ómirzaq Nursultan, Maǵzumova Malıka

Jeńimpazdardyń barlyǵy júldeli syılyqtar tabystalyp, arnaıy «Alǵys hatpen» marapattaldy. Sondaı-aq, ár meshitegi irikteý kezeńinen sýyrylyp shyǵyp, aqtyq oıynǵa qatysqan qalǵan toptarǵa da arnaıy syılyqtar berildi.

Sýretterdi «FOTOGALEREIa» aıdarynan kóre alasyzdar!