JÚREK

Esińizde bolsyn, rýhanı izdenis jolynda joǵary dárejege jetý úshin OQÝ ekinshide, barlyq okkýlttyq bilim men psıhologııalyq zańdar, barlyq sıqyrly kúshter, osynyń bári ekinshi deńgeıde bolady.

Eń alǵashqy jáne eń basty prıntsıp – ol júrek sapalaryn arttyrý.

Júrek sapasyn qalaı arttyramyz?- dep suraýy múmkin.

Bir-aq ádis bar: osy jolda ár qadam saıyn táýekeldi kúsheıtip otyrý kerek, sebebi tek ózimiz ǵana jaıly oılar mahabbattyń sapasyn arttyrýǵa kedergi jasaıdy.

Ózimiz jaıly kóp oılaǵan saıyn, basqa adamdar jaıly az oılaımyz, ary ketken saıyn nápsimiz ósip, jaǵdaıymyz nasharlaı beredi, nasharlaı beredi.

Sonymen aqyrynda ómir boıy kúresip júrgen nápsimiz aldymyzdan bir alyp bolyp ashyǵady, sonymen mine sapar sońynda ol alyp bizge boı bermeıdi.

Al eger rýhanııat jolynda eń alǵashqy qadamnan bastap osy alyp bop turǵan nápsimizben alysyp-kúresek, ony tek mahabbatymyzdy kúsheıtý arqyly ǵana jeńe alamyz.

Mahabbat dep neni aıtyp turmyn?

Bul sondaı sóz, ony tek bir-aq sózben aıtyp anyqtaý qıyn.

Jaqsylyq, meıirim, jaqsylyqqa qumarlyq, moıynsuný, izgilik, minez jumsaqtyǵy, kishipeıildik, osy atrıbýttardyń bári – osy sózdiń maǵynasyn beredi.

Mahabbat degen sonymen joǵary qaraı atylǵan tasqyn, keıin ol fontan sekildi tómen quldyraǵanynda, ár tómen túsip jatqan aǵyn – jaqsylyq bop tabylady.

Kitaptar aıtatyn, sosyn din nasıhattaýshylary aıtyp jatatyn jaqsylyq ataýlynyń kúsh-qudireti joq, sebebi onyń bárin oqyp, jattap alýǵa bolady; jalpy osyndaı oqyp, jattap alǵan jaqsylyqtyń kúshtiligi, ómirligi bolmaıdy.

Biraq júrek túbinen shyqqan jaqsylyqtyń orny bólek, sebebi ol mahabbattyń qaınarynan shyǵady, sosyn ol ár túrli atrıbýttar túrinde jaýady, mine osy jaqsylyq - naǵyz jaqsylyqtyń ózi.

Úndisterdiń aıtatyn bir sózi bar: «Sizde qansha baılyq bar, onyń esh mańyzy joq, eger sende jaqsylyq qazynasy bolmasa, bári beker».

Naǵyz baılyq – ol únemi kúsheıip otyratyn mahabbat qaınary, bar jaqsylyq sodan shyǵady.

Házireti Inaıat Han

aýdarǵan Júrsin Kárim