Juma namazyn Paıǵambarymyzdan (s.ǵ.s.) buryn oqyǵan sahaba

Juma namazy jaıly Ábý Lýbananyń (r.a.) rıýaıatyna toqtalsaq, Alla elshisi: «Juma – kúnderdiń taqsyry jáne eń ulysy. Sondaı-aq, ol Allanyń qasynda Oraza aıtynan da, Qurban aıtynan da ulyraq. Onyń bes erekshelik qasıeti bar: ol kúni Alla Taǵala Adamdy jaratqan; osy kúni Adamdy jerge túsirgen; osy kúni Alla Taǵalamen Adam qaıta qaýyshqan; osy kúni qul Alladan haramnan ózge, ne surasa da beriletin bir saǵat bar; osy kúni qııamet bolady, Allaǵa jaqyn árbir perishte, aspan men jer, taýlar men teńiz barlyǵy osy Juma kúninen qorqady»[1],- degen.

Juma namazy musylmandarǵa Mekke qalasynda hıjradan (uly kóshý) buryn paryz etildi. Ibn Abbas (r.a) bul jaıynda bylaı áńgimeleıdi: «Paıǵambarymyzǵa (s.ǵ.s.) juma namazyn ótkizý Mádınaǵa hıjradan buryn buıyryldy. Alaıda, Mekkede adamdardy jınaýǵa ol kezde múmkindik bolmady. Sóıtip Mádınadaǵy ókili Mýsab ıbn Ýmaıraǵa: «...Eı, Mýsab! Iahýdıler senbi kúnderine daıyndalyp, Zabýrdy jarııa oqıtyn kúndi kút. Sosyn áıelder men balalardy jına! Sóıtip, jumanyń kúndizi ortasynan aýǵanda Alla Taǵalaǵa eki rákaǵat namazben jaqyndańdar!» – dep hat jazady[2].

Paıǵambarymyzdyń (s.ǵ.s.) ámirimen besin ýaqytynda eń áýelgi bolyp, juma namazyn ótkizgen – Mýsab ıbn Ýmaır (r.a.) edi.