JALǴYZDYŃ QATELEGI JAMAǴATQA DA ÁSER ETEDI
Zııany jalpyǵa áser etetin keıbir kúnalar bolady. Fıtnaǵa, urys-keriske, halyqqa keltiretin qıynshylyqqa jalǵyz ol kúnány jasap bastatqan, osylaısha ózine de, basqaǵa da zulymdyq etken zalymdar ǵana kóresini kórmeıdi, qurǵaqtyń janyndaǵy balǵyndy da jaǵady.Bireýdiń qatelegi úlken bir jasaqtyń ózin joq qylýǵa jeterlik.
Sahabalardan Nuǵman bın Báshır (r.a.) minberden musylmandarǵa bylaı dep nasıhat etedi:
«Eı, adamdar! Aralaryńdaǵy nıeti buzyq adamdardyń jamandyqtaryna kedergi bolyńdar. Men Paıǵambarymyzdan (s.a.ý.) bylaı estidim:
«(Eı, adamdar! Oılanyp kórińdershi...) Teńizde jol alǵan bir keme bar. Ol jerde jolǵa shyqqan adamdar kemeniń bólmelerin qoldanyp kele jatyr, bári bir kemede... Bul kemeniń astyńǵy qabatyndaǵy bireý qolyna balta alyp, kemeniń túbin tespekshi. Basqalary, «Esiń durys pa, ne istep jatyrsyń?!» dese, «Bul jer maǵan tıesili, ne istesem de ózim bilemin!» dep ashý shaqyrady.
Kemedegiler qol-aıaǵyn matap, onyń oıyna kelgenin isteýge jol bermese, ári kemedegiler aman qalady, ári álgi adam da aman qalady. Al, biraq eshkim eshqandaı shara qoldanbasa, kemedegiler de, ana adam da sýǵa batyp ketpek».
Osy jaǵdaıǵa baılanysty Ábýl Farýq Sılıstreýı (k.s.) bylaı deıdi:
«...Dinimizde «maǵan qatysy qansha» dep emes, maǵan kerek degen jón». Budan túsinetimiz, jalpyǵa kelgen fıtna – jalǵyz bireý jasaǵan zalymnyń ǵana emes, ýaqytynda toqtatpaı, soǵan jol bergen ǵapilderdiń de jazasy bolmaq.
