Úsh tilim nan aqysy

Jappar bın Ábý Táliptiń uly Abdýlla ystyq kúnderdiń birinde qurma aǵashtar baǵyna túsip, aǵashtardyń kóleńkesinde otyrady. Sol baqta qyzmet etken bir qulǵa túski as retinde úsh tilim nan berilgenin kóredi. 

Qul nandy aýyzyna salaıyn dep turǵanda aldynan ash bir ıt shyǵady. Qul qolyndaǵy nandy ıttiń aldyna qoıady. It nandy bir mezette jep qoıady. Qul ekinshi nan tilimin da ıttiń aldyna qoıady. Ash ıt bul joly da túgin qaldyrmaı jeıdi. Ittiń áli de ash ekenin túsingen qul sońǵy, úshinshi nan tilimin da ıttiń aldyna qoıady. Túski assyz qalǵan qul, jumys basyna ótpekshi bolǵanda, alystan ony baqylap otyrǵan Abdýlla jaqyndap suraıdy:

– Búgin saǵan berilgen azyqtyń mólsheri qandaı boldy?
– Úsh tilim nan.
– Ondaı bolsa nege ózine túk qaldyrmadyń?
– It óte ash kórindi. Jartysyna toımas edi.
– Endi óziń ne jeısiń?
– Oraza ustaımyn.

Abdýlla bın Jappar quldan ıesiniń aty-jónin surap alady. Iesine baryp qurma baǵymen birge quldy da satyp alady. Qaıtyp kelip, qulǵa baqpen birge ózin de satyp alǵanyn habarlaıdy da: «Seni azat etemin. Osy baqty da syıym retinde qabyl et».

Osyny estigen el: «Sizden asqan jomart joq shyǵar, sirá! Ol qul ıtke bar joǵy  úsh-aq tilim nan berdi, siz bolsa onyń aqysyna úlken qurma baǵy men azattyq syıladyńyz» degende, Abdýlla: «Kúmánsiz ol menen asqan jomart! Óıtkeni, ol qoldaǵy baryn berdi, men bolsam bir bóligin ǵana...», – degen eken.