Túıeniń sany

Hazreti Omar ıbn ál-Hattab (r.a.) halıfa bolmaı turyp bir kisimen dos bolady. Dosy túıe soısa, árdaıym bir sanyn Omarǵa (r.a.) syılyq etip ákelip beredi eken.

Biraz ýaqyttan keıin Hazreti Omar ıbn ál-Hattab (r.a.) halıfa bolady. Sol kezeńde álgi dosy bazarda ketip bara jatyp, bireýdiń zatyn aqysyz alyp ketedi. Aryzdanýshy onyń dosyna shaǵymdanyp aldyna kelip, ádilettilik ornatýyn talap etedi.

Sol kezde dosy ózine: «Iá, halıfa! Sen myna máseleni túıeniń sanyn denesinen ajyratqandaı, myna ekeýmizdiń aramyzdy ajyratyp ber», - dep aldyńǵy syılyqty para retinde bergenine ısharat jasapty. Sol kezde ádiletti Omar (r.a.) halıfa álgi dosyna eki jaza beripti: birinshisi bergen syılyǵyn para etip aıtqany úshin, ekinshisi kúnási úshin.

Atam qazaqtyń: «Týra bıde týǵan joq, týǵandy bıde ıman joq» degeni de osynyń aıǵaǵy sekildi.