«TITANIK» SÝǴA BATQANDA...
![](/img/articles/ed819ffb38fa775a9bb66d0bffe3f21e.jpg)
«Tıtanık» sýǵa batqanda, kemede mıllıoner Djon Djeıkob Astor bolǵan eken.
Onyń banktegi qarjysy dál osyndaı 30 «Tıtanık» qurastyrýǵa jeter edi. Ajalmen betpe-bet kelgende ol adamdyǵynan aınymastan shlıýpkadaǵy óz ornyn úreıden záresi qalmaǵan eki balaqaıǵa usynypty.
Sol sátte «Tıtanıkte» Isıdor Shtraýs bolǵan. Amerıkadaǵy eń iri Macy's ýnıvermagtarynyń ıesi. Ol «Men shlıýpkaǵa basqa azamattardan buryn otyrmaımyn» depti.
«Kúıeýim barmasa, men de barmaımyn» dep zaıyby da óz ornyn qyzmetkeri Ellen Berdke beripti. Áıeli sońǵy mınýttaryn kúıeýimen ótkizýge bel baılapty. Elden erekshe baı bola turyp, tyǵyryqqa tirelgende, aqshasyz qalsa da, ólim aýzynda tursa da adamgershilikten aınymaıtynyn dáleldedi. Olardyń adamgershilikten attamaýy adamzat órkenıetiniń jáne adamı bolmystyń qundylyǵyn asqaqtatyp ketti!
«Men ajal aýzyndaǵy adamdardyń sońǵy sózin kóp tyńdadym. Óler aldynda adam artyq mıllıon tappaı kettim, záýlim úı salmadym, jetistikke jetpedim demeıdi. Sońǵy sátte adam jaqsylyq jasamaı kettim dep jylaıdy.
Et jaqynyn, kezdeısoq aldyna kelgen adamdy qoldamaǵanyn, kómektese almaǵanyn aıtyp jylaıdy» - deıdi Arhımandrıt Tıhon Shevkýnov.
Adamnyń boıynda ardyń bolǵany qandaı keremet. Adamgershilikten attamaı ómir súrgeni qandaı ǵajap!
Bizdiń aramyzda osyndaı adamgershilik prıntsıpinen aınymaıtyndar kóp pe? Kóp shyǵar...
Solardy izdeńder! Adamnyń adamgershilik minezinen qundy eshteńe joq.
Ol kez kelgen baılyqtan artyq!
Elena Gonchar
Aýdarǵan Shynar ÁBILDA