TISI ALTYNNYŃ IShI ALTYN BOLA BERMEIDI

• Ótip jatqan jyldar ótpeıtin pyshaqqa uqsaıdy. Ótpeıtin pyshaqpen bir nárseni egeı-egeı ekige bólesiń. Sol sııaqty jyldarda egelip adam ómirin ekige – jastyq pen kárilikke bóledi. Ekige bólingen ómir shytynaǵan shyny sııaqty, qaıta birikpeıdi, aqyry synyp tynady.

• Ǵarip kisi kóńilshek keledi.

• Aýrýhanadaǵy adamǵa aýyzsha sálem aıtý, aıdalaǵa aıqaılaǵanmen birdeı.

• Áıeldiń ár qozǵalysy, ár qımyly jumbaq. Ol jumbaqty jańylmaı sheship otyrý kez kelgen erkektiń qolynan kelmeıdi.

• Kóp adam qylkópir ústinde kezdeskendeı bop, aýrýhanada tanysady.

• Tisi altynnyń ishi altyn bola bermeıdi.

• Joldas deniń saýda janyńnan tabylady, al aýyrsań alystap, ólseń umytyp ketedi.

• Jaqsy kitapty oqyp shyqqanda «Báláı, qalaı tez bitip qaldy?» dep ókinesiń. Al, jaman kitapty taýysa almaı dińkeń qurıdy.

• Basy buıra jigit bas kıimsiz júredi.

• Bir toıda eki jar, bir zamanda eki paıǵambar bolmaıdy

• Qyz kúıeýge ketkenshe asyǵady; barǵan soń: «Báláı úıden beker ketken ekenmin» dep ókinedi.

• Shekesine múıiz shyǵa bastaǵan kezde buzaý súzegen keledi.

• Syıyqsyz qyz sánqoı keledi.

• Ólmeıtin kitap oqyrman kóńilńnde qalady, solardyń júreginde ómir súrip, solarmen qosa qartaıady.

• Buzaqy boıjetken joldasynyń jigitin tartyp alady.

• Buzyq erkek bireýdiń áıelin buzyp alady.

• Qaraýdyń bári Qarabaı emes.

• Árkim jetken jerine barady, jyǵylǵan jerinde qalady.

• Kinámshil qyz kúıeýsiz qalady.

• Sarań – alǵanyna, jomart bergenine qýanady.

• Adal áke aqyl aıtpaı tura almaıdy.

• Ákege «Bul meniń ulym!» dep maqtaný ońaı. Biraq balańdy: «Bul meniń ákem!» dep maqtandyrý qıyn.

• Aýrý janǵa ákimdik qajet emes.

• Shyndyq úshin adam shoq ta basady, shoqparǵa da jyǵylady.

• Danyshpanǵa dilda baılyq emes.

• Jas bala jórgekte tárbıelenedi.

• Bilimsizdigińdi baıqatý ońaı, bilgishtigińdi bildirmeý qıyn.

• Balańnyń tentektigin tyımasań buzyqtyqqa bastaǵanyń.

• Jasynda shapalaq jegenniń, óskende ókinishi az bolady.

• Ósek – ótkir pyshaq.

• Ótkir pyshaqtan ósektiń jarasy aýyr.

• Ósekten órt tutanady.

• Ósekshi úıdiń syrtynda turǵanymen, qulaǵy úıdiń ishindegini estıdi.

• Jaman ádet juqpaly keledi.

• Nápsisin tyıa bilgenniń nesibesi tolyq.

• Ózin –ózi dattaǵan ózgeden maqtaý dámetedi.

• Ózin –ózi maqtaǵan ózgeniń mazaǵyna ushyraıdy

• Jaqynyńa súıkimdimin dep oılaý ońaı, biraq súıiktisi bolý qıyn

• Adal dosyn arsyz jamandaıdy

• Aıaqtalǵan iske aqyl suramaıdy

• Araq aryqty da, alypty da jyǵady

• Tátti sý shól qandyrmaıdy

• Kerek zat tez joǵalady

• Óziń qyrt bolsań – ózgeniń sory, qatynyń qyrt bolsa – ózińniń soryń

• Aǵarmaıtyn shash, aýyrmaıtyn bas bolmaıdy.

• Erinshekten kóńilshek jaman.

• Erinshek jarymaıdy, kóńilshek baıymaıdy

• Jaqsyǵa bógeý, talantqa tusaý kóp

• Til aqty qara, kópti dara ete alady.

• Ótirik aıtpasa, ósekshiniń ishi kebedi.

• Ónegeni ónerińmen, úlgini isińmen kórset.

• Myljyń maqtanyna semiredi.

• Aýrý áıel aınaǵa qarasa – jazyla bastaǵanynyń belgisi.

Ázilhan NURShAIYQOV