TAŃ NAMAZYNAN KEIIN QAZA BOLǴAN NAMAZDARDY OQÝǴA BOLADY MA?

Tań namazy oqylyp bolǵan soń, kún shyqqanǵa deıin nápil namazdardy oqý – mákrýh. Alaıda bul ýaqytta qaza namazdardy oqýǵa bolady. Buǵan dálel retinde ál-Ihtııar kitabynda bylaı dep kelgen: «Tań namazynan bastap kún shyqqanǵa deıin, ekinti namazyn oqyǵannan soń, kún batqanǵa deıin nápil namazyn oqýǵa bolmaıdy. Ábý Saǵıd ál-Hýdrı rıýaıat etken hadıste: «Paıǵambarymyz (Allanyń oǵan salaýaty men sálemi bolsyn) osy eki ýaqytta namaz oqýǵa tyıym salǵan[1].

Bul eki ýaqytta qaza namazdardy, tıláýat sájdesin oryndaýǵa ruqsat. Biraq taýaftyń (Qaǵbany aınalǵan kezdegi) eki rakaǵat namazyn oqymaıdy. Tyıym salýdyń negizgi maqsaty sol ýaqyttyń barlyǵyn paryz namazben shuǵyldanýǵa jumyldyrý. Óıtkeni paryzdyń saýaby mol. Joǵarydaǵy tyıym paryzdyń dárejesindegi qulshylyqtarǵa júrmeıdi. Al taýaftyń eki rakaǵat namazy paryz bolmaǵandyqtan tyıymnyń quramyna kiredi[2].

 Sondaı-aq ál-Fátáýa át-Tatarhanıda: «Eki ýaqytta nápil namazyn oqý mákrýh. Ol tań namazynyń ýaqytynan kún shyqqanǵa deıin jáne ekinti namazyn oqyǵannan keıin kún batqansha. Alaıda bul ýaqyttarda paryzdardy, janaza namazyn, tıláýat sájdesin oryndaýǵa ruqsat»[3] - delingen.

Ál-Fátáýá ál-Hındııa atty kitapta: «Bul ýaqyttarda qaza namazdardy, janaza namazyn, tıláýat sájdesin jasaýǵa bolady»[4] - dep kelgen.

Sondyqtan tań namazynyń paryzyn oqyp bolǵan soń, kún shyqqanǵa deıin burynǵy qaza namazdardy óteýge ruqsat etiledi.  

 [1] Býharı, №579, Mýslım, №608. Ál-Mýsnad, №7538. Ibn Hıbban sahıh jınaǵy, №1557.

[2] Ihtııar, 1/135.

 [3] Ál-Fátáýa át-Tatarhanııa, 1/408.

[4] Ál-Fátáýa ál-Hındııa, 1/59. Fathý babı ınaıa, 1/192.

Istochnık: http://fatua.kz/kz/post/view?id=939