Tabandaǵy belsendi núkteler – saýyǵýdyń kepili

Aıaqqa kúni boıy kúsh túsetindikten qatty sharshaıdy. Keshqurym ýaqytta. ásirese. bıik óksheli aıaq kıimdi unatatyn áıelder qaýymy aıaq sharshaýynan zardap shegemiz. Osyndaıda taban massajy aıaqqa túsken aýyrtpalyqtan aryltýǵa kómektesedi jáne ony tek qana sol úshin jasamaý kerek!

Refleksologııa qaǵıdalaryna sáıkes, aıaq tabandarynda aǵzanyń durys jumys jasaýyna jaýap beretin negizgi núkteler ornalasqan. Aıaqtardy ýqalaý sııaqty qarapaıym áreket deneniń ár túrli múshelerindegi aýrý týraly umytýǵa kómektesedi. Aıryqsha aımaqtarǵa áser etýdiń arqasynda ishki organdarǵa qan aǵyny kelip, densaýlyqqa qatysty kóptegen máselelerdi sheshýge múmkindik beredi.

Aıaq massajy

Aıaqtarda ornalasqan júıkeler saýyǵýdyń mańyzdy quraly. Qıyr shyǵystyq medıtsınada taban jáne saýsaq massajy panatseıa (barlyq aýrýdan qutqaratyn ámbebap dári) dep sanalady. Mundaı protsedýrany keshke jasaı otyryp, kúsh aǵynyn sezinýmen qatar, túngi uıqyda tolyqqandy demalasyz jáne tańerteń sergek oıanasyz. Bul tek qana paıdaly terapııa emes, ol janǵa óte jaǵymdy terapııa.

Aıaq massajyn jasaýdyń belsendi núkteleri:

1. Eger aıaqtyń ushtaryn ýqalasa, bas aýrýynan qutylyp, mı qyzmetin jaqsartýǵa bolady.

2. Úlken baqaıdyń aınalasy moıyn aýrýyn jazýǵa kómektesedi, tek qana belsendirek ýqalasańyz bolǵany.

3. Tabannyń orta jaǵyn ýqalaý ókpe aýrýymen kúresýge kómektesip, demikpedegi patologııalyq jaǵdaıdy jeńildetedi, entigýdi basady.

4. Úlken baqaıdan azdap tómen ornalasqan aımaqty ýqalap, siz júrek-qan tamyrlary júıesin qorǵaı otyryp, júrektiń esh shalyssyz jumys isteýin qamtamasyz etesiz.

5. Tabandaǵy dóńestiń ishki jaǵyn ýqalaý  baýyrǵa túsken kúshten aryltyp, aýyrý seziminen qutqarady.

6. Óksheni jaqsylap ýqalasańyz, belińizdiń aýyrǵany sap tıylady.

Amangúl Ermekqyzy