Sútti tókseń, sabaımyn!

Bir kúni jas bala ustazyna kelip: «Ustaz, men jas bolǵandyqtan qyzdarǵa qaramaı júre almaımyn, budan qalaı tyıylsam eken?» – dep suraıdy.

Ustazy jaýap bermesten sútke toly keseni balanyń qolyna ustatyp: «Mynany bazardaǵy satýshyǵa bir de bir tamshysyn jerge tókpeı aparyp ber!» – dep buıyrady. Sosyn ekinshi shákirtin shaqyryp: «Eger,myna jigit súttiń bir tamshysyn jerge tógetin bolsa, ony týra sol jerde qamshyla», – dep tapsyrady.

Álgi jas jigit ustazynyń aıtqanyn eki etpesten qoryqqanynan asa muqııattylyqpen bir de bir tamshysyn jerge tókpesten bazardaǵy kisige aparyp beredi. Jańaǵy jas jigit óziniń ustazyna kelgen kezde ustazy: «Jolda neshe qyzdy kórdiń dep suraıdy?» – dep suraıdy. Jigit: «Men sútti tógip alsam, uıatqa qalamyn sosyn meni qamshymen sabaıdy ǵoı degen oımen sútten basqaǵa qaraýǵa mursham bolmady», – dep jaýap qaıyrady. Sonda ustazy: «Mine, musylman adamnyń jaǵdaıy da osyǵan uqsas bolýy kerek, eger Allanyń buıyrǵanyn oryndamasam, Qııamet kúni Allanyń aldynda masqaram shyǵady degen úreımen júredi», – dep, sheshimin aıtqan eken.