Sýretshiniń jan azaby

1994 jyly amerıkandyq sýretshi Kevın Karter Afrıkaǵa keledi. Sol jyly qaraqurlyqty qurǵaqshylyq jaılap, halyq ashtyq zardabyn qatty tartyp jatqan kez bolatyn.

Sýretshi bir aýylǵa kelse, turǵyndardyń barlyǵy BUU-nyń taratyp jatqan azyq-túligin alý úshin ketip qalypty. Mundaı múmkindikti qalt jibermegen Karter emin-erkin aýylǵa kirip, asyqpaı aralap kórýdi jón sanaıdy.

Bir ýaqytta sheshesinen ajyrap, ashtyqtyń saldarynan qur súldesi qalǵan 4-5 jasar balany kózi shalady. Artynda balanyń ólýin kútip tazqara otyr. Bul kórinisti dereý túsirip ala qoıady. Sátti bolǵan jumysyna qýanyshy qoınyna syımaı eline oralady. Sýretshilerdiń kórmesine qatysyp, ataqty «Fýtzer» syılyǵyn jeńip alady.

Júldesin jora-joldastarymen bir kafede jýyp tastap, keshke úıine oralady. Dıvanda oılanyp jatyp, óz sýretine qaıta úńiledi. Bul joly basqasha kózben qaraı bastaıdy. Bireý túrtip qalǵandaı sanasynda aqıqattyń ushqyny jarq ete qalady: «Álgi ash balaǵa nege járdem bermedim? Ol qustyń jemtigine aınalyp ketpedi me eken?» degen suraq qatty mazalaıdy.

Osylaısha úsh aı boıy janyn jegideı jep, aqyry esinen aıyrylyp, óz-ózin asyp óltiredi...