ShÓL DALADAǴY ORAZA

Kúnniń mı qaınatqan ystyǵynyń astynda bir dárýish shóldi kesip ótip ilbı basyp kele jatyr. Erini kezerip, júzi bozaryp ábden júdegen.

Kókjıekten taýdyń silemi kóringendeı me? Saǵym ba dep oılap edi, saǵym emes, shyn sııaqty. Ras ekenine ábden kózi jetken dárýish júrisin shırata tústi.

Taýdyń etegine taıaý bir kishkene qos tur. Qostyń kóleńke jaǵynda arqasyn irgege súıep, qolyna táspi ustaǵan bir aqsaqal otyr.

— Assalaýmaǵalaıkým, aqsaqal! — dedi dárýish tili zorǵa ıkemge kelip.

— Ýaǵalaıkýmassalam, balam! Jol bolsyn!

– Áleı bolsyn, aqsaqal!

Barhannan asyp, sizge keldim, janymda mazasyzdyq bar. Medresede júrgende oraza ustaǵym keldi. Bir aı boıy nár syzbadym. Sonda maǵan oraza jeńil bolatyn. Al endi shól dalaǵa ketip, oraza tutyp edim, tánimniń qalaýlary mazalaı bastady, únemi ashtyq sezinemin. Nege olaı?

Sonda aqsaqal oǵan bylaı jaýap beripti:

— Medresede júrgende taqýalyǵyńdy búkil shákirtter kórdi. Seni nápsińdi madaq pen maqtan toıdyrdy. Ashtyǵyńdy kókirek kergen tákapparlyǵyń basyp tastady. Alǵan raqatyń sen úshin astan da tátti edi. Al shólde she? Seni kóretin shaıandar men kesirtkelerden basqa eshkim joq!

Sondyqtan bir isti jasasań, maqtaý kútpe. Ony júregińniń shyn qalaýymen iste...

Murat Raqymjannyń fb paraqshasynan