ShAITANNAN QORǴANÝ ÚShIN ALTYN KEREK

Taqýalyǵymen tanylǵan quldardyń biri Súfııan Sáýrı bu dúnıelik dám-tuzy taýsylýǵa jaqyn ómiriniń sońǵy sátterinde jastyǵynyń astynan bir kese shyǵarady. Ishi tolǵan altyn. Janyndaǵy dostaryna: «Mynany sadaqa retinde taratyńdar», – dedi.

Bul jaıtqa dostary tańǵala:

– O, toba! Biz biletin Súfııan Sáýrı bu dúnıelik esh nársege pysqyryp qaramaýshy edi, osynshama baılyqty saqtap kelgendiginiń sebebi ne boldy eken? – dep bir-birine qarasty.

Olardyń tańdanysyn baıqaǵan Súfııan Sáýrı óz isiniń astaryn sonda bylaı dep túsindirgen eken:

– Men bul aqshamen dinimdi qorǵashtadym. Shaıtan men nápsimniń aýzyn ashtyrmadym. Qashan nápsim men shaıtan maǵan: «Eı, sińiri shyqqan paqyr, qashanǵy kıer kıim men isher asqa jarymaı júre beresiń? Odan da aqsha tap!» dep maǵan dúnıelik jelik bergen saıyn men olarǵa altyn toly kesemdi kórsete mańaıyma jolatpaýshy edim. Bul altyndardy men solarǵa qarsy qarý retinde qoldanyp keldim...

Altyndar sadaqa ǵyp úlestirilgennen keıin Súfııan Sáýrı de alańsyz máńgilikke kóz jumdy...