ShÁKÁRIMNIŃ MUHTAR ÁÝEZOVKE AITQAN ÓSIETI

«Romanovtardyń tuqymy úsh júz jyl boıy patshalyqty mıras etip keldi. Solardyń bárine qoıylǵan jalǵyz-aq ataý bar. Ol — patsha. Kóp qazaqtar sol patshalardyń aty-jónderin de bilmeıdi. Al Lev Tolstoı, Pýshkın, Lermontov desek áýeli oqymaǵan adamymyzǵa deıin «Tatıana men Póshkın» dep shyǵa keledi.

Endeshe ulyqtyq ónerden joǵary emes. Jazýshy bolýǵa kórip-bilgeniń men ázirligińniń de barlyǵyn bilemin. Pálen nárseni jaz dep aıta almaımyn. Ony ómirdiń ózi kórsetedi. Tek aryń men uıatyń, aqylyń tańdaǵan jolmen ǵana alǵa umtyl, sonda aldyńda adaspaýǵa Abaı aǵań turady. Abaı aǵamyz kárilikti qyryq jasynda moıyndaǵanyn óziń oqyp ta estip te júrsiń. Qartaıyp turmasa da, kárilikti moıyndaýynyń ózinen Abaı zamanyndaǵy eldiń kúńirenisi men kúızelisi estilmeı me?

 Endeshe, Abaı - halyq tarıhynyń darııasy. Oǵan júze bilseń, kenje qalmaısyń. Men bul aıtqandarymdy Saıat qoradan osy qysta qaıtpaı qalamyn ba dep ózińe aıtyp qoımaq bop otyrǵam joq. Biraq saǵan eskertpeı qoıýǵa bolmaıtyn kóńilimdegi túıindi aıtýdy qajet sanap júrgenmin».

 Kámen ORAZALIN

 «Abaıdan sońǵy arystar» kitabynan