ShAǴBAN-RAMAZANNYŃ JARShYSY

Shaǵban» sózi «kóp jaqsylyqtyń bastaýy» degen maǵynaǵa ıe. Bul aı erejep aıynyń bitýinen habar berip, Ramazannyń jaqyndaǵanyn súıinshileıdi.
Alla elshisi (s.ǵ.s): «Shaǵban aıy kirgende, ózderińizdi tazalańyzdar jáne nıetterińizdi durystańyzdar», - degen.
Bul aıdy Ramazanǵa daıyndyq aıy deýge bolady. Bul aıda Ramazandy bos ótkizip almaýdyń qamyn jasaǵany jón. Soǵan oraı, shamasy kelgen musylmanǵa kóptep nápil (erikti) oraza ustaıtyn aı. Degenmen, qansha kún ári qaı kúnderi oraza ustaý kerek ekeni jaıynda naqty aıtylmaǵan. Sondyqtan qansha kún ustaımyn deseńiz de óz erkińiz.
Kóp jaǵdaıda adamdar Erejep pen Ramazan aılaryna asa kóńil bólip, Shaǵban aıynda bosańsýǵa túsip qalyp jatady. Ol qatelik. Kerisinshe Ramazan aıynjaqsy qulshylyqpen ótkizýdi qalasańyz, Shaǵban aıyn ónimdi ótkizý qajet. Ol degenińiz Erejep aıynda ekken eginińizdi Shaǵbanda baptamasańyz Ramazan aıynda jemis bermeıtin baǵbanshynyń isi sekildi.
Aısha anamyz (r.a.): «Paıǵambarymyz (Ramazannan tys) basqa aılarǵa qaraǵanda Shaǵban aıynda kóp oraza ustap bylaı deıtin: «Saýapty amaldardan shamalaryń jetetinin jasańdar. Óıtkeni, sender jalyqpasańdar bolǵany Alla senderge eshqashan jalyqqandaı syńaı tanytpaıdy. Alla Taǵala qabyl alatyn eń jaqsy amal − az bolsa da úzbeı istelgen is» dep eske alǵan.
Sondaı-aq, Alla Elshisi (s.ǵ.s) Erejepten keıingi kezekte Shaǵban aıyna óte kóńil bólgen. «Alla Taǵalam, Rejep pen Shaǵban aılaryn berekeli qyla gór. Bizdi Ramazanǵa aman-esen jetkiz» degen duǵasyn jıi aıtatyn.
Endeshe, Alla Taǵala barshamyzdy Ramazan aıyna erekshe daıyndyq pen ári aman-esen jetkizýdi násip etsin!