ShAǴBAN AIYNYŃ EREKShELIGI
![](/img/articles/ac78581ffe9a7ccf50eaf7d0409eadd4.jpg)
Paıǵambarymyz (s.a.ý.) Aısha (r.anha) anamyzǵa: «(Nápil orazalardan) maǵan eń unaıtyny – shaǵban aıynyń orazasy. Ýa, Aısha! Bul aıdyń ereksheligi, jyl ishinde qaıtys bolǵandardyń esimderi shaǵban aıynda ólim perishtesine tapsyrylady. Men de atymnyń orazaly kezde berilgenin qalaımyn» - deıdi.
Úmmú Sálámá (r.anha) anamyz: «Rasýlýllah (s.a.ý.) Ramazan aıynan basqa eshbir aıda shaǵban aıyndaǵydaı (kóp) oraza ustamaıtyn» - deıdi.
Paıǵambarymyz (s.a.ý.) bylaı deıdi:
«Rejeb Allanyń aıy, shaǵban meniń aıym, ramazan úmmetimniń aıy. Shaǵban kúnálarǵa káffarat, Ramazan bolsa, kúnálardy tazalaýshy aı».
Shaǵban aıy jaqsylyq esikteri ashylyp, bereke jaýatyn, qatelik pen kúnálar keshiriletin jáne jaratylystyń eń qaıyrlysy Paıǵambarymyzǵa (s.a.ý.) kóptep salaýat oqylatyn aı.
Múminder bul aıda ǵapyldyqtan oıanyp, kúnálaryna táýbe etip tazaryp, Ramazan shárip aıyna daıyndalady.
Bul aıda Alla Taǵalaǵa jalynyp, jalbarynyp, Paıǵambarymyzdy (s.a.ý) sebepshi qylyp Allanyń rahmetine jaqyndaýǵa tyrysý kerek. Bulardy keıin jasaımyn dep keshiktirý durys emes. Sebebi dúnıe úsh kúnnen turady:
Bireýi - keshe ótip ketti, ǵıbrat alatyn kún. Ekinshisi - búgin, amal jasaý kúni. Ony olja sanap, paıdaly ótkizý kerek. Úshinshisi - erteń. Bul úmit, adam erteń bar-joǵyn bilmeıdi.
Aılar da osyndaı. Rejeb aıy ótti, qaıta kelmeıdi. Ramazan shárip keleshekte, oǵan jetip-jetpeıtinimizdi bile almaımyz. Shaǵban aıy bolsa osy eki aı arasyna dáneker. Bul aıda ǵıbadatpen shuǵyldanýdy olja dep sanaý qajet.