ShAǴBAN AIY

Qasıetti Shaǵban aıy – Paıǵambarymyzdyń (salallahý alaıhı ýá sállám) aıy. Sondyqtan bul aıda kóp salaýat aıtý kerek. Jáne kóp ıstıǵfar aıtyp, yqylas súresin oqý qajet. Táhájjýd pen tásbıh namazdaryn oqyp, ánbııa hatymyn jasaý kerek.

Qasıetti Shaǵban – qurmetti, uly, qutqaratyn, Iláhı syıǵa jetkizetin, múminderge raqym, kápirderge azap bolatyn jáne Iláhı nurǵa qaýyshtyratyn aı. 

Bul aıdyń birinshi túninde, ıaǵnı búgin keshke ár rakaǵatta bir «Fatıha», úsh «Aıatúl kúrsimen» tásbıh namazy oqylady. («Duǵa jáne ǵıbadattar»)

ShAǴBAN AIYNYŃ EREKShELIGI

Paıǵambarymyz (s.a.ý.) bylaı deıdi: «Bul (Shaǵban aıy) Rejeb pen Ramazan aılarynyń arasyndaǵy adamdar nadandyqta bolǵan aı. Bul amaldardyń Alla Taǵalaǵa usynylǵan aıy. Men amaldarymyzdyń aýyz berik kezde usynylǵanyn qalaımyn». («Músnád Ahmed»)

Paıǵambarymyz (s.a.ý.), Aısha (r. anha) anamyzǵa: «(Nápil orazalardan) maǵan eń jaqsy bolǵan oraza – Shaǵban aıynyń orazasy. Ýa, Aısha! Ol sondaı bir aı, sol jyl ishinde qaıtys bolatyndardyń esimderi, bul aıda ólim perishtesine tapsyrylady. Men de esimimniń oraza kezinde berilýin qalaımyn» - degen. 

Úmmú Sálámá (r.anha) anamyz; «Rasýlallah (s.a.ý),  Ramazan aıynan keıin eshbir aıda Shaǵban aıyndaǵydaı oraza ustamaǵan»  - degen. 

Paıǵambarymyz (s.a.ý.) bylaı deıdi:

«Rejeb Alla Taǵalanyń aıy, Shaǵban meniń aıym, Ramazan úmbetimniń aıy. Shaǵban kúnálarǵa káffarat (keshirilýine sebep) bolǵan aıy. Ramazan bolsa kúnálardy tazartqan aı».

Shaǵban aıy – qaıyr esikteriniń ashylatyn, berekettiń jaýatyn, qatelerdiń tastalatyn, kúnálardyń keshiriletin jáne jaratylystardyń eń qaıyrlysy bolǵan Paıǵambarymyzǵa (s.a.ý.) kóptep salaýat oqıtyn aı. 

Múminderdiń bul aıda nadandyq uıqysynan oıanyp, ótken kúnálaryna táýbe etip tazalanyp, Ramazan Shárip aıyna daıyndalýy kerek. 

Bul aıda Alla Taǵalaǵa jalynyp, jalbarynyp, Paıǵambarymyzdy (s.a.ý) sebepshi qylyp Allanyń rahmetine jaqyndaýǵa tyrysý kerek. Bulardy keıin jasaımyn dep keshiktirmeý kerek. Sebebi dúnıe úsh kúnnen turady:

Bireýi keshe, ótip ketken ǵıbrat alatyn kún.

Kelesisi búgin. Amal jasaý kúni, ony olja sanap, paıdaly ótkizý kerek. 

Úshinshisi – erteń. Bul bir úmit bolady. Erteń bar-joǵyńdy bilmeısiń.

Aılar da osyndaı. Rejeb aıy ótken, qaıta kelmeıdi. Ramazan Shárip aıy keleshekte, biraq oǵan qaýyshyp qaýyshpaıtynyńdy bile almaısyń. Shaǵban Shárip aıy bolsa eki aı arasyna bir sebepshi. Bul aıda ǵıbadatpen aınalysýdy olja dep bilý qajet.