Senimdilikti joǵaltatyn 5 nárse
Kóp nársege qol jetkizgisi keletin, biraq jetistikke jete alatynyna senbeıtin jandarǵa arnalǵan birneshe keńes.
Ózine senimdi adamdar kimdi bolsa da tamsandyrady. Olardy kórgen kezde, osynsha jetistikke olar ózderine qatty sengendikten qol jetkizdi degen oı keledi. Shyn máninde, olar ózin-ózin baǵalaýǵa teris yqpal etetin oılar men Emotsııalardan qalaı qutylý kerek ekenin biledi.
1. SALYSTYRÝ
Bala kezimizden bastap biz basqalarmen básekelesip kelemiz. Alaıda, barlyq turǵydan bárin birdeı ozý múmkin emes. Onyń ornyna siz ózińizdiń eń jaqsy nusqańyzsyz ba? Sony oılańyz. Ol úshin ózińizdiń kúshti jáne álsiz jaqtaryńyzdy shyn moıyndaýyńyz kerek. Eger keshegi kúnińizben salystyrǵanda, búgin shynymen jeńiske jetkińiz kelse, (keshegi ózińizdi ozý úshin) ózińizdi damytýǵa óte kóp kúsh jumsaýǵa týra keledi. Sol kezde basqalarǵa qaraýǵa ýaqytyńyz da bolmaı qalady. Ózgemen emes, ózińizben əýre bolyńyz.
2. ÓTKEN SÁTSIZDIKTER
Ótken jeńilisterdiń kúıinishterin moıyndaý úshin úlken batyldyq qajet, biraq soǵan qaramastan jańa belesterdi baǵyndyrýǵa umtylý kerek. Bar kúshińizdi jeńiske jetýge jumsańyz. Sátsizdikterge bola, maqsattaryńyzdan bas tartpańyz.
3. DAIYNDYQSYZ BOLÝ
Árbir kún bizge bolashaqtaǵy jeńisterge daıyndalýǵa múmkindik beredi. Ár kúnniń qadirin bilip, ár kúndi barynsha paıdaly etip ótkizý kerek.
Jeńimpaz sııaqty ómir súrý úshin, jeńimpaz sııaqty oılaný kerek. Ómirinde bir ret bolsa da jeńimpaz bolǵan jan onyń artynda qandaı eńbek jatqanyn jaqsy biledi.
Siz kóbirek eńbektenýge daıynsyz ba? Nátıje úshin qolaısyz jaǵdaılarǵa shydaýǵa kelisesiz be? Eger «ıá» deseńiz, onda bolashaq jeńister úshin dál búginnen bastap iske kirisińiz. Senimdilik qajetti daǵdy jáne tájirıbemen birge keledi.
4. QORQYNYSh
Synnan qorqý (jurttar ne deıdi?) – kópshiligimizdi qalaǵan nársemizge qol jetkizýge kedergi keltiretin eń úlken qorqynysh. Negizinde, eger oǵan úlken mán bermeseńiz, aınaladaǵy adamdardyń pikirleriniń eshqandaı kúshi joq. Bul ómirde synshy kóp. It úredi, kerýen kóshedi. Sizdiń sengen nárseńiz kez kelgen úreı men qorqynyshtan áldeqaıda mańyzdyraq.
5. TERIS OILAÝ (NEGATIVTI OI)
Sizdiń myńdaǵan múmkindikterińiz bar ekenin eshqashan umytpańyz. Ózińizdi tuńǵıyqqa tartatyn jáne úmitsizdik sezimin týdyratyn oılardan arylyńyz. Syndarly (konstrýktıvti) oılaýǵa úırenińiz. Óıtkeni sizdiń tek dál qazirgi kóńil-kúıińiz ǵana emes, bolashaǵyńyz da osyǵan baılanysty.
Esińizde bolsyn, ózińizge degen senimdilik – kóptegen jeńisterdiń nátıjesi ǵana emes, belgili bir dárejede olardyń sebebi de.
Sizdiń qalaǵan nárseńizge qol jetkize alatyndaı kúsh-qýatyńyz, aqylyńyz jáne eńbekke degen qabiletińiz bar. Demek, sizdiń ózińizge senbeýge esh sebebińiz joq.
