Sahabalardyń Qurandaǵy orny
«Muhajyrlar men ansarlardyń Islamdy alǵash bolyp qabyldaǵan aldyńǵy qatarlylarynan jáne olarǵa jaqsylyqpen ergenderden Alla razy boldy. Olar da Alladan razy boldy. Alla olarǵa máńgilik ómir súrý úshin (baýlarynyń ishinen jáne záýlim saraılarynyń túbinen) ózender aǵatyn jumaq baqshalaryn daıyndap qoıdy. Mine, bul – eń úlken jetistik»[1].
«Shynynda, Alla Taǵala (Hýdaıbııada) sol aǵashtyń astynda saǵan sert bergen kezde, múminderden razy boldy. Olardyń júregindegi (yqylas pen shynaıylyqty) kórip, jan tynyshtyǵyna bólep, kóp uzamaı keletin jeńis pen oljany násip etti. Alla óte qudiretti jáne asqan dana»[2].
«Soǵysqa qatyspaı qalǵandardy jazǵyrmaǵany úshin paıǵambardy keshirgeni sııaqty Alla olardyń bir bóliginiń kóńiline kúdik shaýyp, ári-sári tolqyǵan sol qıyn kezeńde paıǵambarǵa baǵynǵan muhajyrlar men ansarlardy da táýbege keltirip, sosyn olardyń bul táýbelerin qabyl etti. Óıtkeni, Ol óte meıirimdi, asa qaıyrymdy. Alla soǵysqa qatyspaı ózderi týraly úkim keıinge qaldyrylǵan sol úsh adamnyń da táýbelerin qabyl etti. Óıtkeni, olardyń jan azabyn tartqany sonshalyqty – jer beti keńshiligine qaramastan tarylǵandaı, jandary qatty qysyldy. Ar-ojdan azabyna tústi. Aqyrynda, Alladan basqa pana joqtyǵyn ańǵardy. Sosyn Alla olarǵa táýbe etýdi násip etti. Óıtkeni, Alla táýbelerdi qabyldaýshy ári asqan meıirimdi»[3].
