RAMAZANǴA ARNALǴAN JÚREKKE JAQYN JOSPAR
Osy joldy ustan — aı sońynda keshirimge úmit et
30 kúndik nıet… Bıylǵy Ramazan ózgeshe bolsyn ba?
Ramazan – jaı ǵana ash júrý emes.
Bul – júrekti tazartý, rýhty jańartý, ımandy kúsheıtý aıy
Osy aıdan ózińniń jańarǵan kúıińmen shyǵýǵa ne jetsin… Sabyrlyraq… Tereńirek… Allaǵa jaqynyraq.
Elestetshi, nebári 30 kúnnen keıin…
Júregiń tynyshtalyp, kóńiliń nurlanyp shyqsań…
Mine, árkimniń shamasyna saı 10 ıgi amal
⸻
Namaz – musylmannyń tiregi
Azamattarǵa: bes ýaqyt namazdy meshitte oqýǵa tyrys.
Qyz-kelinshekterge: namazdy ýaqytynda, keshiktirmeı orynda.
Kúnińdi azanmen bastap, zikirmen aıaqta. Namaz túzelse – kóp nárse túzeledi.
⸻
Súnnet namazdary 
Kúnine 12 rákaǵat – Jánnatta saǵan úı.
• Tań namazynyń aldynda – 2
• Besinniń aldynda – 4, keıin – 2
• Aqshamnan keıin – 2
• Quptannan keıin – 2
Turaqtylyq – úlken saýaptyń kilti.
⸻
Duha namazy
Kún shyqqannan keıin shamamen 15 mınýt ótken soń, besinge deıin.
Kemi 2 rákaǵat, qalasań 8-ge deıin.
Kúnniń basynda oqylǵan osy namaz – berekeniń bastaýy.
⸻
Tańǵy-keshki zikir
Bul – júrektiń qorǵany.
Ýaıym men kúızelistiń shıpasy.
Umytsań – qaıta jalǵa. Bastysy – úzbeý.
⸻
Taraýıh – Ramazannyń shyraǵy
Meshitte jamaǵatpen.
Úıde yqylaspen.
Mańyzdysy – san emes, yqylas.
⸻
Kún saıyn sadaqa
Kúnine kemi 100 teńge.
Aıyna 3000 teńge.
Az kóringenimen, Alla aldynda úlken amal.
Bergeniń kemimeıdi – berekege aınalady.
⸻
Apta saıyn qajylyq pen umranyń saýaby
Tań namazynan keıin ornyńnan turmaı, kún shyqqansha:
zikir aıt, Quran oqy, duǵa jasa.
Aptasyna bir ret oryndasań – aıyna tórt ret.
Saparsyz-aq mol saýap.
⸻
Quran – Ramazannyń júregi
Ózińe qolaıly mejeni tańda:
Jigeri joǵary: kúnine 3 para (60 bet)
Ortasha: kúnine 1 para (20 bet)
Bastaýshy: kúnine jarty para (10 bet)
Mańyzdysy – kún saıyn Quranmen baılanys úzilmesin.
⸻
Duǵa qabyl bolatyn mezetter
Úsh berekeli ýaqyt:
Aýyz ashardan 15 mınýt buryn
Tań namazyna deıingi sońǵy sátter
Juma kúni ekinti namazynan keıingi sońǵy saǵat
Osy mezetterde shyn yqylaspen, júrekten duǵa et.
Aıtqan tilegińdi Alla estip turǵanyna kúmánsiz sen.
⸻
Túnniń tynyshtyǵyndaǵy eki rákaǵat
Taraýıhtan keıin bolsa da.
Bar bolǵany eki rákaǵat.
Tún – qabyl bolatyn ýaqyt.
Sol sátte jasalǵan duǵa – júrekke erekshe áser etedi.
Abdulakhad SMANOV
