RAMAZANDAǴY SOŃǴY ON KÚNNIŃ EREKShELIGI
Ramazan – adamdardy qulshylyqqa, izgilikke shaqyratyn, týra jolǵa salýshy qaıyrly aı. Ásirese, onyń sońǵy on túni erekshe qasıetti ekendigin ardaqty Paıǵambarymyzdyń (s.ǵ.s.) asyl hadısterinen kóre alamyz. Aısha anamyz (r.a.) jetkizgen rıýaıat boıynsha, Alla elshisi (s.ǵ.s.) Ramazan aıynyń sońǵy on kúnine alǵashqy kúnderinen de asa kóp kóńil bólgen.
Al Ahmad at Tırmızı jetkizgen bir hadıste: «Paıǵambarymyz (s.ǵ.s.) ádette Ramazannyń sońǵy on kúnin meshitte qulshylyq jasaýmen ońasha ótkizetin. Bir jyly ol olaı jasaı almaı qalyp, kelesi jyly meshitte jıyrma kúnin qulshylyq jasap ońasha ótkizgen» delingen.
Ramazannyń sońǵy on kúni:
– tozaqtan qutylatyn;
– qasıetti Qadir túninde Quran túsken;
– barlyq duǵa tilekter qabyl bolatyn ýaqyt bolǵandyqtan myna amaldardy jasaǵan jón:
- Quran Kárimdi tolyq oqyp shyǵý;
– ýaqyttyńkóp bóligin qulshylyqpen ótkizý;
– meılinshe kóp jaqsylyq jasaý, sadaqany kóbeıtý;
– kúndelikti izgi amaldardyń sanyn arttyrý t.b.
Bul isterimiz arqyly Jaratýshymyzǵa odan saıyn jaqyndaı túsemiz.
Mine, sondyqtan Alla barshańyzǵa súıgen quldarynyń qatarynan bolýǵa jazsyn! Osy bir múbárak aıdaǵy qulshylyǵymyz ben qaıyrymdylyǵymyzdyń saýaby molaıa tússin!
