QURBAN AIT QANDAI MEIRAM?

Suraq: Qurban aıt qandaı meıram?

Jaýap: Árbir meıramnyń shyǵý tarıhy, hıkaıasy jáne syry men óz ereksheligi bar. Qurban aıt – din ıslamdaǵy eń iri meıramnyń biri. Bul meıramdy musylman álemi bolyp toılaıdy. Meıramnyń mańyzdylyǵy jaıynda Allanyń elshisi (s.ǵ.s.): «Allanyń aldyndaǵy eń uly kún – Qurban aıt kúni, al sodan soń odan keıin keletin kún», – dep aıtqan (Ahmad, Ábý Dáýd). Ádette Qurban aıt Zýl-hıdja aıynyń onynshy kúni sanalady.

Islam tunyp turǵan qulshylyq dini dep aıtsaq bolady. Al endi Qurban aıt kúninde osy qulshylyq atalýynyń eń úlkeni – qurbandyq shalý rásimi oryndalady.

Qurbandyq shalý – Qurban aıt kúni, kún shyqqannan keıin, aıt namazy oqylyp, odan soń Qudaıǵa arnap, mal soıý degen sóz. Bul kúni qajylyqqa barǵan barlyq musylmandar qurbandyq shalyp, ıhramnan shyǵady. Iaǵnı qurbandyqtyń mańyzy sonshalyq, qajylyqqa baryp, qurbandyq shalmaǵan adam ıhramnan shyǵa almaıdy.

Jalǵas SADÝAHASULY