QURANDAǴY SÚIISPENShILIK JÓNINDEGI AIaTTAR
Nekedegi erli-zaıyptylardyń súıispenshiligi, qamqorlyǵy jáne qarym-qatynasy jóninde aıtylǵan Qurannyń aıattary:
- «Senderge, oǵan turaqtaýlaryń úshin óz jynystaryńnan jubaılar jaratyp, aralaryńa súıispenshilik, meıirimdilik paıda qylǵandyǵy da Onyń belgilerinen. Sóz joq, osylarda oılanǵan elge belgiler bar» (30:21).
«Ishterińdegi boıdaqtardy, sondaı-aq qoldaryńdaǵy qul, kúńderdiń durystaryn úılendirińder. Eger olar kedeı bolsa da, Alla óz keńshiligimen olardy baıytady. Alla, asa keńshilik ıesi, tolyq bilýshi» (24:32).
- «Ol sondaı Alla, senderdi bir-aq kisiden (Adamnan) jaratqan, jáne oǵan tııanaq úshin jubaıyn (Haýany) jaratqan. Ol jubaıyna jaqyndasqanda, jubaıy jeńil túrde júkti boldy. Sonda onymen júrip aýyrlaǵan kezde, Allaǵa: «Eger bizge ıgi bala berseń, árıne shúkir etýshilerden bolar edik» dep» (7: 189).
«Alla (T.) óz jynystaryńnan jubaılar jaratty. Jubaılaryńnan senderge balalar, nemereler paıda qyldy. Sondaı-aq senderdi tap-taza nárselerden rızyqtandyrdy. Sonda da olar, bos nárselerge senip, Allanyń nyǵmetine shúkirsizdik ete me?» (16:72).
- «Rasynda senen buryn da paıǵambarlar jibergenbiz. Olarǵa da jubaılar, urpaqtar bergenbiz. Eshbir paıǵambar, Allanyń ruqsatynsyz bir aıat keltire almaıdy. Ár nárseniń mezgili» (13:38).
- «Nekeli áıeldermen úılenýleriń aram qylyndy. Biraq qoldaryńdaǵy kúńder (soǵys tutqyndary) basqa. Senderge Allanyń jazýy osy. Bulardan basqalardy abyroıly bolý, boı sýytýshy bolmaý shartymen maldaryńdy berip qalaýlaryń (máher berip alýlaryń) halal qylyndy. Sonda olardan osy shartpen paıdalansańdar, bekitilgen máherin berińder. Máher toqtasylǵanan keıin rızalassańdar, (erkek artyq berip, áıeldiń az alýy nemese tipti almaýynda) senderge oqasy joq. Rasynda Alla tolyq bilýshi, hıkmet ıesi» (4:24).
- «Erkekter; áıelderdi bıleýshi. Óıtkeni Alla, birin-birinen artyq qyldy. Sondaı-aq olar; maldarynan da paıdalandyrady. (Áıelderge máher, nafaqa beredi.) Al endi jaqsy áıelder; boı usynýshylar, Alla qorýǵa buıyrǵan kómeski nárselerdi (abyroıyn) qorǵaýshylar. Al sondaı-aq áıelderdiń bas tartýlarynan seziktenseńder, sonda olardy nasıhattańdar jáne olardy tósekterińde tastap qoıyńdar. (Odan bolmasa) olardy sabańdar. Al eger olar senderge boı usynsa, onda olardyń zııanyna bir jol izdemeńder. Rasynda Alla óte joǵary, tym iri» (4:34).
- «Áı múminder! Sender úshin áıelderge zorlyqpen murager bolýlaryń halal emes. Jáne bergenderińniń bir bólimin alyp qalý úshin olardy zorlamańdar. Biraq olar ashyq arsyzdyq istese basqa. Sondaı-aq olarmen jaqsy shyǵysyńdar. Eger olardy jek kórseńder, senderdiń jaqtyrmaǵan nárselerińde Allanyń kóptegen qaıyr jasap qoıǵan bolýy múmkin» (4: 19).
- «olar senderge kıim, sender de olarǵa kıim ispettisińder» (2:187).
- «Sondaı-aq olarmen jaqsy shyǵysyńdar» (4:19).
- «Áı múminder! Ózderińdi ári úı-ishterińdi otyny adamdar men tastardan bolǵan ottan qorǵańdar» (66: 6).
- «Erlerdiń áıelderdegi haqtary sııaqty, áıelderdiń de erlerde belgili haqtary bar. Áıelderden kóri erlerdiń dárejesi artyq. Alla (T.) óte ustam, hıkmet ıesi» (2:228).
