Quranda nege qumyrsqa «synady» dep aıtylǵan?

Batystyń belgili ǵalymdarynyń bir toby jınalyp, qasıetti Qurannan qatelik tabýdy uıǵarypty. Nátıjesinde olar «Námil» súresiniń 18-aıatyna kelip toqtaıdy. Onda bylaı dep jazylǵan:

«Súleımenniń áskeri qumyrsqalar alqabyna kelgende, qumyrsqanyń basshysy: «O, qumyrsqalar! Ileýlerińe kirińder, sebebi Súleımen men onyń áskeri senderdi sezinbesten janshyp, syndyryp ótip ketip júrmesin» deıdi».

Ǵalymdar osy aıattaǵy «ıahtımánnákým» sóziniń qoldanylýy qatelik dep sheshipti. Iaǵnı, týra maǵynasy «syndyrý» degendi bildiredi. Olardyń dáleli boıynsha, qumyrsqa – etten turatyn jándik. Iaǵnı, ol synbaıdy, kerisinshe myjylady. Bul aıattaǵy syndyrý sóziniń ornyna myjylý sózi qoldanylý qajet deıdi.

Arada eki jyl ótpeı avstralııalyq bıolog ǵalymdar qumyrsqanyń denesin Eksoskeleton degen juqa shyny sekildi qorǵanysh qabaty qorshap turatynyn dáleldep shyǵady. Iaǵnı, qumyrsqany baıqaýsyzda basyp ketse, ol myjylmaıdy, synady. Mine, osylaısha on tórt ǵasyr buryn túsken qudaıy kitaptyń ǵylymnan joǵary turatyny, ǵylymnan habar bergeni taǵy da aıqyndaldy.