"QOLYŃDY AIQASTYRMA"

Qoldy aıqastyrýdy tyıymdaıtyn óz sebebi bar. Myna jalǵannan tatatyn dám-tuzy taýsylyp baqılyq bolǵan adamnyń qolyn keýdesine aıqastyrady. Al tiri adam qashanda aldaǵy kúnnen úmit kútedi. Kóp jasap, kópti kórseń de kóńilden arman ketpeıdi. Adamdy arman men úmit alǵa jeteleıdi, ómirge qushtar etedi. Armandy aqıqatqa aınaldyrý úshin ter tógedi. Aıtalyq, tútinin túzý shyǵaratyn ónegeli urpaq ósirýdi qalaıdy, nemere-shóbere súıip, artyna áýlet qaldyrǵysy keledi...

Áıteýir ár adamnyń maqsat-múddesi bar, ıaǵnı tiri adam óz qalaýymen tirshiligin jasaıdy.

Sol úshin bolar, qolyn keýdesine aıqastyrǵan kisini, ásirese jas adamdy kórgende qarııalar:

"Áı, Qudaıdan úmitiń joq pa?" - dep, "Marqum bolýǵa asyǵyp júrsiń be?!" - dep qatań sóz aıtyp, tyıyp tastaýshy edi.

Zeınep Ahmetova "Kúretamyr"