Psıhologııańyz qandaı?
Modern psıhologııa emdeýge həm əserli dərýmenge muqtaj. Sebebi, bul psıhologııanyń basynan baqaıshaǵyna deıin tunyp turǵan aýrý. Nelikten?- deısiz ǵoı!
Modern psıhologııa (zamanaýı salt-sana) adamnyń ózgerýge qumbyl qabiletin joqqa shyǵaryp, óziniń nəpsənı əlsizdigine býyndyryp tastaıdy. Mundaı sana kez-kelgen qylmysty aqtap alyp, "zamannyń aǵymy" "ǵylymnyń jetistigi" dep qorǵashtaýmen bolmaq. Máselen, "Men ashýlymyn, maǵan ashýlanǵan kezimde eshteńe demeńder" deıtin adamdardy kóp kezdestiremiz. Bul modern psıhologııanyń kórinsi. Al sonda ózin tárbıeleý qaıda qaldy? Jaqsy qasıetti jetildirý qaıda ketti? Osylaı aıtý arqyly ózimizdiń jarqyn bolashaǵymyzdan úmit úzgenimiz ǵoı..
Eger biz adamdardy "Bul sezimtal adam", "Bul əsershil jan" t.b. dep óz kemshiligine qarap qarym-qatynas jasaıtyn bolsaq, ol adam aldymyzǵa kelgende "Ýaı, baýyrym men sezimtal adammyn. Sondyqtan, maǵan sony eskerip jaqyndańdar" deýi əbden múmkin. Demek, jetilmeý úshin, damymaý úshin ərkimniń bir syltaýy bar.
Eger Rabbýl alamınge ıman keltirgen bolsaq, óz ózimizdi tárbıeleýge mindettimiz. Kemdigińdi kemeldikke, salaqtyqty sergektikke, jalqaýlyqty elgezektikke qaraı ózgertýge haqylymyz. Óıtkeni, ómir - kúres. Tənińiz qalaı jetilse, janyń da jetimsirep qalmaýyn qadaǵalap turýyń kerek. Aqylyńyz da, talap-tilegińiz ben talǵam-tanymyńyz da jetilýi kerek.
Adam balasyna mundaı múmkindik berilmegende "Fatyr" súresiniń 2-aıaty túspeıtin edi. Rabbymyz jaratqandarynyń ishinde qalaǵanyna həm qalaǵandarǵa rahmet qazynasyn ashady. Alla ony kimderge, qaı ýaqytta qalaıdy? Pendeler ózderine berilgen erik-jiger arqyly qabiletteriniń artýyn qalaǵanda Halıq bolǵan Alla da onyń kemeldenýin qalaıdy.
"Ýa, Rabbym! Qabiletimdi arttyra tús, men bul úshin janymdy pıda etemin" deı alǵanda Jaratýshy da ol adamnyń ózgerýge degen shabytyn shyńdap, qabiletin arttyrady. Demek, "Men sondaımyn, ózgermeımin" desek, óz əlsizdigimizdiń qulaq kesti quly bolatynymyzdy umytpaýymyz kerek. Ondaı oıdaǵy jandar Uly Tərbıeshige qul bola almaıdy!
Ermek Altaıuly
