PERIShTELER JYNYSQA BÓLINE ME?

22 qarasha 2023 1177 0
Оqý rejımi

Perishteler urpaq qaldyryp, kóbeıýge muqtaj emes. Iaǵnı, olar jynysqa bólinbeıdi. Islam dini kelgenge deıingi arab qoǵamynyń perishteler jaıly senimderi tym taıaz bolatyn. Olar perishtelerdi «Allanyń qyzdaryna» balap, ul balalardy artyq kóretin.

Uly Jaratýshy bul aıtylǵan pikirlerdi joqqa shyǵarý úshin «Olardan (Mekkelikterden) sura: Qyzdar Rabbylaryniki de, uldar olardiki me? Nemese perishtelerdi áıel jynysynan jaratqanymyzǵa olar kýá me? Saq bolyńdar! Olar jalǵandaryn aıta beredi: Allanyń balasy bar dep olar múlde ótirik aıtady. Alla uldardan góri qyzdardy artyq kóre me? Senderge ne boldy? Qalaı sheshim etesińder? Túsinbeısińder me? Ne senderdiń ashyq bir dálelderiń bar ma? Shynshyl bolsańdar kitaptaryńdy ákelińder. Olar Alla pen perishteler arasynda urpaqtyq baılanys uıǵardy. Rasynda perishteler olardyń Allanyń aldyna keltiriletinin biledi. Alla olardyń sıpattaýlarynan pák», – dedi.

Zuhruf súresinde:

«Olar Allanyń quldary perishtelerdi ózderinshe áıelderge balaıdy. Olar (perishtelerdiń) jaratylýyn kórip pe edi? Olardyń bul kýálikteri jazylady jáne suraqqa alynady»;

Jáne Nahyl súresinde:

«Olar: Allanyń qyzdary bar, – desedi. Alla odan pák» deý arqyly bul pikirdiń múldem teris ekendigin ańǵartady.

Perishtelerdiń qanattary bar ma?

Ádette perishteler jaıly sóz etkende, olardyń qanaty bar ma, joq pa degen suraqtyń oıǵa oralatyny belgili. Perishtelerdiń qanattary men olardyń sany jaıly málimetter Quran aıattary men hadısterde de kóptep kezdesedi. Quranda:

«Kókterdi jáne jerdi jasaǵan sondaı-aq eki, úsh jáne tórt qanatty perishtelerdi elshi qylǵan Allaǵa barlyq maqtaý laıyq. Ol jaratýda qalaǵanyn arttyrady. Kúdiksiz Allanyń kez-kelgen nársege tolyq kúshi jetedi»,– dep eki, úsh jáne tórt qanatty perishtelerdiń bar ekendigi aıtylýda. Aıat sońyndaǵy «Ol (Allah) jaratýda qalaǵanyn arttyrady» sózi Alla Taǵalanyń odan da kóp qanatty perishtelerdi jaratqandyǵyna ıshara bolsa kerek. Alaıda perishtelerdiń qanaty bizdiń túsinigimizdegi ıaǵnı qustardikindeı qanat emes. Qanattarynyń bir ereksheligi sol olar óte jyldam qımyldaıdy. Sol sebepti olar Alla Taǵalanyń ámirin qas qaǵym sátte oryndaıdy. 

Kýrtýbıdiń «ál-Jamıý lı-áhkamıl Quran» atty tápsirinde paıǵambarymyz mıǵrajǵa shyqqanda Jábireıildi 600 qanatpen kórgendigin aıtsa, Israfıl perishteniń 12 000 qanatty ekendigin, olardyń bir qanatynyń ózi kókpen jerdiń arasyndaǵy keńistikti jaýyp turǵandyǵyn aıtady. Árıne, buny biz biletin qanat deýge kelmeıdi. Perishtelerdiń jaratylysynyń ózi bul dúnıedegi jaratylystarǵa uqsamaǵandyqtan, olardyń qanaty da dálme-dál qustardikindeı, ne ushaqtyń qanatyndaı deı almaımyz. Perishteler adam oıy men qııalynan tys turady. Sol sebepti olardyń shynaıy bolmysy Uly Alla pen olardy kórgen paıǵambarlarǵa ǵana aıan.

 

 

 

Pіkіrler Kіrý