Paıǵambarymyzǵa ﷺ qatysty qyzyqty jaıttar

Muhammed juldyzy

Gollıvýdtaǵy «Dańq Alleıasynda» AQSh-tyń álemge máshhúr ataqty tulǵalarynyń esimderi jazylǵan juldyz belgileri jerge, ıaǵnı trotýarǵa ornalastyrylǵany belgili. Tek bir adamnyń juldyzy ǵana jerge emes, Alleıa qabyrǵasyna ilingen. Ol kimdiki deısiz ǵoı?

Bul – áıgili boksshy Muhammed Álıdiń juldyzy. Belginiń trotýarǵa emes, qabyrǵaǵa ornalastyrylýyn boksshynyń ózi suraǵan eken. Óıtkeni6 ol Paıǵambarymyzdyń (c.ǵ.s.) esimi taban astynda taptalmasyn dep, joǵaryǵa qoıýdy qalaǵan.

Bos oryn kimdiki?

Mádına qalasyndaǵy Paıǵambar (c.ǵ.s.) meshitiniń ishinde bólek Jasyl úı ornalasqan. Onda Paıǵambarymyz Muhammed (c.ǵ.s.) jáne onyń janynda alǵashqy eki halıf Ábý Bákir men Omar jerlengen. Paıǵambarymyzdyń (c.ǵ.s.) ekinshi janynda bos qabir orny tur.

Kóptegen musylmandar men Quran tápsirshileri bul orynnyń Isaǵa (ǵ.s.) arnalǵandyǵyn aıtady. Hadısterden biletinimizdeı, ol Dájjaldy óltirý úshin ekinshi márte Jerge kelip, keıin 40 jyl patshalyq quratyny belgili.

Keń taralǵan esim

2008 jyly Muhammed esimi Londonda týǵan nárestelerge eń kóp qoıylǵan at bolǵan. Jalpy tek Anglııada ǵana emes, búginde Eýropanyń basqa da elderinde Muhammed esimi óte kóp taralǵan. Máselen, derekterge súıensek, Belgııada dúnıege keletin sábılerdiń jartysy musylmandar, sonyń kóbi Muhammed esimin alatyn kórinedi.

Qazaq halqy da Muhammed esimine kende emes. Ataqtylar arasynan Mahambet, Dinmuhammed Qonaev, Muhammed-Qanapııa (Shoqan), Muhametjan Tynyshpaev, Muhammedqalı (Muqaǵalı) Maqataev, Nurmuhammed (Balýan Sholaq), t.b. aıta berse bolady. Asyl dinimizdiń qaıta órkendeýimen qazir de qazaq sábılerine Dinmuhammed, Nurmuhammed, Muhammedálı jáne Muhammed esimderi jıi qoıyla bastady.