Páterde qalǵan júrek jylýy

Qasym biraz jyl otyrǵan eski páterin satyp qalanyń kelesi shetinen úsh bólmeli, keń páter satyp alǵan edi. Jańa páterine qonystaný úshin úıdegi barlyq zattaryn mashınaǵa asyǵys tıep, kóshirý jumystaryna bilek sybana kirisip ketti. Áıeli de anaǵan-mynaǵan kómektesip, sasqalaqtap júrip keterde eski qonysyn tazalap shyǵýdy umytyp ketse kerek. 

Olar jańa páterine kóship keledi. Jańadan aýysyp jatqan páteriniń esigin ashyp kirip kelse, buryn-sońdy bul páterge adam aıaǵy baspaǵan sekildi taza tur eken. Áıeli qýanyp ketip, as daıarlaıtyn bólmesine kirse, ústelde konvertke salynǵan bir hat tur eken. Konvert syrtynda «Jańadan kóship kirgen úı ıesine!» dep jazylypty.

«Páterdi jaqsylap jýyp-tazaladym. Biraq zattaryńyzdy ornalastyrar aldynda ózderińiz jeńil-jelpi tazalyq jasap alatyn bolarsyzdar. Sizderge osy páter qutty qonys bolsyn, baqytty bolyńyzdar!» dep jazylypty.

Ony oqyǵan Qasymnyń áıeli dereý taksı shaqyrtyp, buryńǵy páterine qaıta baryp, jaqsylap tazalapty da, kelesi keletin úı ıelerine arnap ózi oqyǵan hattan da jaqsy sózdermen ádemilep hat jazyp qaldyrypty.

Osylaısha. Qasym men áıeli ımandylyq, adamdar arasyndaǵy júrek jylý, meıirimdilik degen uǵymnyń tereń mánin burynǵysynan da jaqsy túsingen eken.

Amantaı Toıshybaıuly