PARAQORLYQ

24 mamyr 2024 522 0
Оqý rejımi

Adam toıymsyz, ashkóz keletindikten be, jemqorlyq, paraqorlyq indeti kóp elderdiń jazylmas jarasy bolyp tabylady. Tek óziniń paıdasyn, tek óziniń qaltasyn oılaý, el paıdasy men zııanynan buryn óz paıdasyn oılaıtyndardyń kóbeıýi kez kelgen memleket úshin páleket. Paraqorlyq búkil dinderde kúná sanalady jáne memleketterdiń zańdarynda da memleketke qarsy jasalǵan qylmys bolyp tabylady. Para alý da, berý de dinimizde kúná. Hadıs shárıfterde bylaı delindi:

«Para alǵanǵa, bergenge jáne olardyń arasynda paraǵa arashy adamǵa da Allah laǵynet etsin». (Hakım)

«Para alǵan da, bergen de tozaqta». (Tabaranı)

Memlekettiń qoǵamdyq qyzmetterdi atqarýy úshin jáne elge kómektesý, aýyryn jeńildetý úshin taǵaıyndalǵan zańdy tulǵalardyń para alýy halyqtyń memleketke degen senimin seıiltedi. Laıyq bolmaǵan adamdardy jumysqa alý úshin para alý eldiń tizginin saýatsyz, qabiletsiz qoldarǵa tapsyrýmen teń.

Paraqorlyq – eldi rýhanı jaǵynan da, materıaldyq jaǵynan da azdyratyn indet. Paraqorlyq páleketin joıý úshin ıslam ahlaqymen (minez-qulqymen) minezdený kerek. Óıtkeni ıslam ahlaqymen minezdengen musylman eshkimniń aqysyn jemeıtini, ádiletsizdik etpeıtini sııaqty, ádiletsizdik oryn alýyna da razy bolmaıdy. Musylmanda Alla qorqynyshy bolatyndyqtan paraqorlyqqa sebepshi bolýdyń ózinen de jyrtqysh ańnan qashqandaı qashady. Sondyqtan balalarymyzdy, jastarymyzdy ıslam ahlaqymen jetildirýimiz eń basty mindetterimizdiń biri.

 

 

 

Pіkіrler Kіrý