PARA

Asyl dinimiz Islamda úlken kúná, aýyr qylmys dep tanylatyn isterdiń biri – paraqorlyq. Tildik turǵyda para «ár-rıshýatý» dep atalady. Bul sóz quqyǵy bolmaǵan bir múlikti nemese ataqty alý úshin berilgen syılyq jáne tólengen qunǵa qatysty qoldanylady. Sharıǵatymyzda ataǵyn, qyzmetin nemese aram pıǵylyn júzege asyra otyryp, ádiletsiz alynǵan múlikti para deıdi. Paraqorlyq derti taraǵan qoǵamda ádiletsizdik ornap, adam quqyǵyna qol suǵylyp, zańnyń kúshi joıylady.

Alla Taǵala Qasıetti Qurannyń «Baqara» súresi, 188-aıatynda:

وَلاَ تَأْكُلُواْ أَمْوَالَكُم بَيْنَكُم بِالْبَاطِلِ وَتُدْلُواْ بِهَا إِلَى الْحُكَّامِ لِتَأْكُلُواْ فَرِيقاً مِّنْ أَمْوَالِ النَّاسِ بِالإِثْمِ وَأَنتُمْ تَعْلَمُونَ

«Aralaryńdaǵy mal-dúnıelerińdi buzyq jolmen (urlaý, tonaý, aldap-arbaý t.b. syndy haram joldarmen) jemeńder. Sondaı-aq bile tura adamdardyń dúnıelerinen bir bólim jeý úshin basshylarǵa (para retinde) aparmańdar», – dep aıtqan. Bul aıatta Alla Taǵala parany alýǵa, berýge, sonymen qatar oǵan dáneker bolýǵa da tyıym salǵan.

 Musylman adam Alla Taǵalanyń tyıym etken mundaı úlken kúnádan aýlaq bolyp, paraqorlyq ataýlydan barynsha saqtanýy tıis. Sebebi, paraqorlyq – Alla Taǵalanyń laǵynetine dýshar etetin is. Abdýlla ıbn Amr (Alla oǵan razy bolsyn):

 لَعَنَ رَسُولُ اللَّهِ ﷺ الرَّاشِي وَالْمُرْتَشِي

«Alla elshisi (oǵan Allanyń salaýaty men sálemi bolsyn) para alýshyny ári para berýshini laǵynettedi», – degen (ımam Ábý Dáýid).

 Jalpy paraqorlyq ol dert, aýrý. Ol aıyqpas dertti árbir otbasy úıinde bala- shaǵasyna nasıhattaý arqyly aldyn alý kerek. Paraqorlyq otbasynyń ydyraýyna ıaǵnı áıeldiń jesir, balanyń jetim qalýyna aparýmen qatar bir eldiń kúıreýine, qulaýyna jetkizedi.

 Oǵan amal jasaýdy násip etsin! Aýmın!