ORAZA — ÝAQYTTY BAIaÝLATADY
Biz ádette kúndizgi ýaqytty 3-ke bólemiz! Tań. Tús. Kesh -dep. Endi bir kezeńnen ekinshisine óterde ne isteımiz? Durys! Tamaqtanamyz! Tań atty - jeńil-jelpi aýqattanyp aldyq. Tús boldy - toıyp tamaqtandyq. Kesh tústi - iship-jemge otyramyz. Sonda, tamaq degenimiz kúnimizdi 3-4-ke bólip turatyn qabyrǵalar eken ǵoı. Oraza osy qabyrǵalardy qıratyp tastaǵanda, ýaqyt baıaýlap qalǵandaı bolady. Ár ramazanda baıqalatyn qubylys qoı! Nege? Óıtkeni biz endi kúndizgi mezetti «bólip» turǵan belgilerden aıyryldyq.
Tań sáride iship-jegensiń. Oraza ortadaǵy ıaǵnı kúndizgi asqa tıym saldy! Endi keshti kútesiń. Al kútý - ýaqytty uzartady. Aýyzashardy kútken adam ár mınýtty sezedi. Buryn baıqalmaı ótip ketetin ýaqyt endi aıqyndala túsedi. Kún beısanaly aǵyp jatqan joq, sen ony baıqap, baqylaýda ustap otyrsyń. Sanaı bastaǵan saǵattar - sanaly ótip jatqan saǵattar, negizi...
Sonda qyzyq bir nárse ashylady: biz ýaqyttyń biraz bóligin tamaqtanýǵa ysyrap etip tastaıdy ekenbiz. 13.00 boldy ma, obed,-dep óre túregelemiz. Ashsyń ba, toqsyń ba, mańyzdy emes! Jáı "prıvychka"... Al Orazada túski tamaqqa barmadyń, kádimgideı ýaqytyń kóbeıip qalady, baıqadyńyz ba?
Al bos ýaqytyń kóbeıdi eken, mundaıda adam buryn-sońdy oılanbaǵan máselelerine bas qatyra bastaıdy. Kúndelikti qarbalasta «Men ne istep júrmin?», «Qaıda bara jatyrmyn?» degen suraqtarǵa ýaqyt joq. Tamaq ta, telefon da, qý tirshilik te oıdy basyp tastaıdy. Oraza sol basylǵan oılardy qaıta tiriltedi. Ishki ún qattyraq estile bastaıdy.
Qysqasy, oraza kúnniń qurylymyn ózgertedi. Beısanaly ádetterdi úzedi. Avtomatızm toqtap, sanaly tańdaý bastalady. Ýaqyt sozylǵan saıyn adam ózimen kóbirek qalady. Al ózimen qalǵan adam, erte me, kesh pe, ózine suraq qoıa bastaıdy. Oraza aıy - óz suraqtaryńa shynaıy jaýap izdeıtin aı!
