Ol jaıynda bilseń de, ony jasaý óte qıyn...

Ertede Hýseın degen jas jigit, erte úılenip, kóp uzamaı basqa elge ilim izdenip jol júrip ketedi. Sodan 20 jyl el aralap bilim alady. Sodan eline qaıtpaq bolyp, jolǵa shyǵady. El aralap qaıtar jolda, úlken aqsaqal kisige jolyǵyp, úıinen dám aýyz tıedi. Sonda aqsaqal jón surasyp otyryp, mán-jaıǵa qanyq bolǵan soń Hýseınnen ilimniń basy nede? – degen suraq qoıady. Oǵan Hýseın:

- Bısmılláhta – dedi.
- Joq, - dedi qarııa.
- Fatıha súresinde – dedi.
- Joq, - dedi qarııa.
- Nasara–ıansýrýda – dedi.
- Joq, - dedi qarııa.

Sosyn men saǵan bilimniń basy nede ekenin maǵan osy jerde qalyp, qyzmet kórsetseń aıtamyn – dedi. Hýseın kelisedi. Sodan arada 6 aı ótkende, álgi qarııa Hýseındi shaqyryp alyp, «Ilimniń basy - sabyrda» - dep jaýap beredi. Sonda Hýseın men bilmeıtin nárse bolsa, úırenermin dep kútken edim – dep ashýlanady. Sonda qarııa:

- Sen sabyr týrasynda kóp nárse bilip, ýaǵyz aıtýyń múmkin. Biraq, sen sabyr etýdi bilmeısiń. Men saǵan sol sabyrdy úırettim, - degen eken.

Álgi oqymysty Hýseın úıine qaıtady. Aýylyna aqsham namazy ýaqytynda jetedi. Álginde óziniń aýlasyna jaqyndaǵanda dáret alyp, kirip – shyǵyp júrgen jas jigitti kóredi. Oıyna jaman nárse oılap, qarııanyń aıtqany esine sap ete qalady. Qoı, erteń azanda anyq-qanyǵyn bilermin dep, sabyrǵa keledi. Tań namazy ýaqytynda meshitke barsa, álgi jigit ımamdyq qyzmetin atqarýda eken. Sodan sol jerdegi adamdardan bul jigittiń kim ekenin suraǵanda, óziniń 20 jasar uly bolyp shyǵady. Sonda Hýseın Allaǵa shúkirshilik etip, ózin kúnádan nápsisin tyıǵanyna qatty qýanady.