NESIEGE JOLAMAÝ ÚShIN NE ISTEÝ KEREK?
![](/img/articles/f192e4577f7684665b63832a598faa50.jpg)
1. Baılyqpen jaryspańyz.
Dos-jaran, kórshi-qolańmen dúnıe-múlik boıynsha jarysýdyń esh qajeti joq. Árkim óziniń deńgeıi jetkenshe ómir súrip jatqanyn esten shyǵarmańyz abzal. Jańa shyqqan zattarǵa da qyzyǵyp nesıege urynýdyń qanshalyqty zııany baryn bilesiz be? Bir dosyńyz nesıege zat alyp jatsa, «nege men de almasqa?» dep jylmyń etetin oıdy sabyrǵa shaqyryp otyryńyz. Jumysyńyz qanshalyqty turaqty bolsa da, alda sizdi ne kútip turǵanyn bilmeısiz?
2. Bıýdjetti árqashan josparlap júrińiz.
Kópshiligimzdiń alatyn aılyǵymyz bir aı shalqyp ómir súrýge jetkiliksiz ekeni aıdan anyq. Sol sebepti, bir aılyq jalaqyńyzdy josparlap úırenińiz. Eger onsyz da jetpeıtin aılyǵyńyzdyń bir bóligi nesıege ketse, basyńyzda birneshe máseleler týyndap, kádimgideı sizdi qajytady. Eger únemshil bolyp, ár aı saıyn artyq qalǵan aqshany jıyp otyrsańyz, eshqandaı ústemesiz ózińizge qajet zatty satyp ala alasyz.
3. Rezervtik qor jıyńyz.
Qolyńyzǵa túsken qarjyny bas-kózsiz jarata bermeı, strategııaly josparmen jumsaı bilseńiz, sizdiń jalaqyńyzdan aqsha artylady. Mine, sol azyn-aýlaq bolsa da, qarjyny qalta túbinde qaldyryńyz.eger oılamaǵan jerden sizge birnárse qajet bola qalsa, rezervtegi qarajatyńyz óz ornyn tabady.
4. Bankterden aýlaq bolýǵa tyrysyńyz.
Bankter aınalymynda mindetti túrde ósimqorlyq qarajat bar. Sol sebepti bankterge jaqyndaı bermeńiz. Árıne, belgili bir (tólem jasaý, valıýta aıyrbastaý, aqsha aýdarý tárizdi ) qajettilikterge baılanysty isińiz túspegen jaǵdaıdy eskerińiz. «Nesıege alsańyz jeńil, bar bolǵany aı saıyn 4000-5000 tg» degen sııaqty jarnamalar sizdiń sanańyzdy ýlaýǵa jol bermeńiz.
5. Kiris kózderin kóbeıtý.
Jumysyńyzdan bólek, qosymsha tabys kózderin (azǵantaı bolsa da) izdep, talpyný – kredıtke júginbeýge múmkindik beredi.