Nelikten tozaq turǵyndarynyń kóbi áıelder?

Keıde biz ózimizge únemi jaqsylyq jasap júrgen bir adamnyń kenet bizge bir zııan tıgizgenin kórsek, onyń buǵan deıin jasaǵan barlyq jaqsylyqtaryn umytyp ketemiz. Oǵan degen súıispenshilik pen qadir-qurmet sol sátte-aq quldyrap sala beredi. Ardaqty Paıǵambarymyz (oǵan Allanyń ıgiligi men sálemi bolsyn): «Men senen eshqashan jaqsylyq kórgen joqpyn», - deıtin áıelderge eskertý jasap, bul minezdiń túbi jaqsylyqqa aparmaıtynyn aıtqan. Sebebi, bul sıpat áıeldiń shúkirsizdigine, qanaǵatsyzdyǵyna alyp keledi. Áıel adam kúıeýiniń árbir jaqsylyǵyna alǵys aıtyp turý kerek. Bul - otbasylyq ómirdiń eń mańyzdy aspektisi.

Birde Paıǵambar (oǵan Allanyń ıgiligi men sálemi bolsyn): «Maǵan tozaq kórsetildi de, men onyń kópshilik turǵyndary kúpirlik (bul sóz ıman máselelerimen baılanysty emes) tanytqan áıelder ekenin kórdim», – deıdi. Sahabalar odan: «Olar Allaǵa kúpirlik etken be?» – dep suraıdy. Ol: «Joq, olar ózderiniń kúıeýine qatysty kúpirlik kórsetetin. Olar kúnde jaqsylyq jasap júrgen kúıeýiniń boıynan kenet ózine unamaıtyn birdeńe kóre qalsa, mindetti túrde: «Men senen eshqashan esh jaqsylyq kórmedim» deıdi», – dep jaýap beredi[1].

Imam Ibn Hájar ál-Haıtamı «Tozaq turǵyndarynyń kóbisi – áıelder...» degen hadıs jaıly bylaı degen: «Munyń sebebi – olar Allaǵa, Onyń Elshisine (oǵan Allanyń ıgiligi men sálemi bolsyn) jáne ózderiniń kúıeýlerine az moıynsunady, sondaı-aq úıden shyǵarda árlenip, átirlenip adamdardy azǵyrýǵa salady» («áz-Záýajır») Al kelesi bir hadıste: «Óziniń kúıeýine táýeldi bola tura, oǵan rahmetin bildirmeıtin áıelge Alla qaramaıdy» - delingen[2].

Endeshe, kúıeýińizdiń bar bolǵanyna jáne siz úshin istep jatqan az-kem jaqsylyqtarynyń barlyǵyna rıza bolyp, ony alǵysqa kómýden jalyqpańyz. Kúıeýińizge rıza bolaǵanyńyz – Allanyń jazǵanyna, taǵdyryna razy bolǵanyńyz. Sizden de jaǵdaıy tómen adamdarǵa qarańyz da ony jegideı jeı bermeńiz. Alla Taǵala barlyq erli-zaıyptylarǵa tatý-tátti, baıandy ǵumyr keshýdi násip etsin!