NÁPSIGE QARSYLYQ KÓRSETÝ

قَالَ اللهُ تَعَالَى: يَا اَيُّهَا الَّذِينَ اٰمَنُوا عَلَيْكُمْ اَنْفُسَكُمْ لَا يَضُرُّكُمْ مَنْ ضَلَّ اِذَا اهْتَدَيْتُمْ اِلَى اللهِ مَرْجِعُكُمْ جَمِيعًا فَيُنَبِّئُكُمْ بِمَا كُنْتُمْ تَعْمَلُونَ. (سورة المائدة، 105)

Alla Taǵala bylaı deıdi (maǵynasy): “Ýa, múminder! Aldymen ózderińe qarap, ózderiń túzelińder! Ózderiń týra jolda bolsańdar, adasqandar senderge  kesirin tıgize almaıdy. Túbinde barlyǵyń Allaǵa qaıtasyńdar, sonda Ol (dúnıede) ne istep, ne qoıǵandaryńdy túgeldeı jipke tizip ózderińe aıtyp beredi (Hám bárińdi jaýapqa tartady).” (Máıda súresi, 105 -aıat)

Adam boıynda denege bılik etkisi keletin bir-birine kereǵar eki polıýs bar. Munyń biri – rýh (perishte rýh), al ekinshisi nápsi (aıýanı rýh). 

Nápsi – ortalyǵy eki qastyń ortasynda bolatyn jáne adamnyń tula-boıyn túgel jaýlaǵan zulym jaratylys.

Adamdy lázzatqa jáne tán qalaýyna ıtermeleıtin,  júregin las isterge buratyn, zulymdyq pen búkil jamandyq ataýlynyń bastaý kózi – nápsi.

Adamnyń eń basty jaýy nápsiniń qoregi - kúná. Nápside jetpis eki shaıtannyń kúshi bolady, adamdy árdaıym jamandyqqa jumsaıdy. 

Sılsılá saǵadattyń 15-shi alqasy Shah Naqshybend (k.s.) shákirtterine árdaıym nápsileriniń qalaýyna qarsy shyǵýǵa keńes berip bylaı deıtin: “Kimde-kim nápsisine qarsylyq tanytsa, bul amaldan óte úlken nátıjelerge qol jetkizedi”.

Taǵy bir sózinde bylaı degen: “Óz nápsilerińdi qashan da kináli, jazyqty kórińder. Kimniń qolynan bul kelse, Alla Taǵala oǵan soǵan saı saýap jazady. Sol sebepti Haqqa jaqyndap, baqyt buıyrady. Iýsýf súresiniń 53-aıatynda ‘(Iýsýf aleıhıssálam aıtty:) Sonymen qatar, men ózimdi, áste, aqtamaımyn. Óıtkeni nápsi, shynynda da, árdaıym jamandyqty buıyrady…’ degen. Osy aıattyń úkimimen adam árbir kúná men búlikti óz nápsisinen kórsin”.

Basqa bir suqbatynda bylaı degen: “Kimde-kim Alla Taǵalanyń izgiligi arqasynda óz nápsisin jaman dep tanyp, onyń aldamshy tuzaǵyn jónimen biletin bolsa, onyń nápsisine qarsy shyǵýy óte ońaı bolady”.