NAMAZDAǴY TAQÝALYQ
Jaratylýymyzdyń sebebi bolyp tabylatyn Allaǵa qulshylyq mindetimiz qanshalyqty oıaý kókirekpen oryndalatyn bolsa, taqýalyqqa sonshalyqty jaqyn bolmaqpyz. Adamdy tek ǵapyldyqtan aýlaq jáne Haqtyń rızalyǵyn tabý qushtarlyǵymen oryndalǵan? qulshylyqtar ǵana kámildikke jeteleı alady.
Mysaly, namazdyń qalaı oryndalatynyn qımyl júzinde bilemiz. Biraq namazdyń hıkmeti Haq Taǵalamen júzdesý ǵoı. Ol Alla Taǵaladan materıaldyq jáne rýhanı muqtajdyqtarymyzdy suraýymyz úshin syıǵa berilgen júzdesý.
Biraq bizdiń namazymyz qanshalyqty dárejede haqtyń qalaýyna jáne úıretkenine saı oryndalýda? Bir aıatta:
- ... Namaz arsyzdyqtan, jaǵymsyzdardan jáne jamandyq ataýlydan tyıady – dep aıtylǵan (Ankábýt súresi, 45-aıat).
Bizdiń namazymyz, shirkin-aı, osyndaı ma eken?!
Alla Taǵala qulynyń mańdaıy sájdege bara jatqanda júreginiń Ózine qaraı jaqyndap kelýin murat etip:
- Sájde qylǵyn da jaqyndaǵyn! – dep buıyrady (Aláq súresi, 19-aıat).
Sájdelerimiz osyǵan qanshalyqty sáıkes?
Otbasylyq ómirimiz, kásip-tirshiligimiz, jeke ómirimiz bizdiń namazdarymyzdyń qandaı ekendigin rentgen sýretindeı etip kórsetedi. Eger namazymyz paıda bermeı jatsa, júregimiz qatelikterge toly bolsa, Alla Taǵala ondaı adamdar jaıynda:
- Qandaı ókinish anaý namaz oqyǵandarǵa! – dep aıtady (Maǵun súresi, 4-aıat).
Sondaı-aq Quran Kárim únemi namazdy qorǵaý, namazdy tastamaý jáne namazdy yqylaspen óteýge nazarymyzdy aýdarady. Qımyl júzinde namazdy bastamaı turyp, dáret alý sekildi materıaldyq daıyndyqtar jasaıtyn sekildi júrektiń de daıyndyǵy kerek. Olaı bolsa, júrekter namazdy oqyǵanda soǵan ǵana baılanyp, sony ǵana oılanyp turýy tıis.
