NAMAZ OQYP TURǴAN ADAMNYŃ ALDYNAN ÓTPEÝ MÁSELESI

Ansarlyq Abdýllah ıbn Harıs ıbn ás-Sımma (r.a.): «Alla elshisi (sallallahý aláıhı ýá sállám):

 «Namaz oqyp turǵan adamnyń aldynan kesip ótken kisi qandaı kúnáǵa qalǵanyn bilse, qyryq (kún, aı nemese jyl) kútýine týra kelse de namaz oqyp turǵan adamnyń aldynan kesip ótpes edi», – dep aıtty», – degen.

Osy hadısti jetkizgenderdiń biri Ábý án-Nádr (r.a.):

 «Atalmysh hadıste Alla elshisi (sallallahý aláıhı ýá sállám) qyryq kún degisi keldi me, qyryq aı degisi keldi me, joq álde qyryq jyl dep aıtqysy keldi me, ol jaǵyn naqty bilmedim», – degen

(Buharı, salát 101; Mýslım, salát 261).

materıal «Hadıster jınaǵy» kitabynan alyndy