MUSYLMAN ÓZI ÚShIN JASAÝY TIIS 7 AMAL
Adam qaraýyndaǵy eń jaqsy baılyq — onyń ýaqyty. Alaıda «Altynnyń qolda barda qadiri joq» degendeı, adam balasy bul ıgilikten aıyrylmaı, ony laıyqty túrde baǵalaı almaıdy.
Allanyń jaratqan pendeleriniń eshbiri de oǵan qansha ýaqyt bólingenin bilmeıdi, biz tek máńgilik ómirde Alla raqymynan qur qalmaıtyndaı ýaqytymyzdy tıimdi túrde paıdalanýymyz qajet. Alla árbir jan ıesine sanaly, ıgilikke ári paıdaly amaldarǵa toly ómir syılady.
«Áı, múminder! Alladan qorqyńdar. Árkim erteń úshin ne jibergenine qarasyn. Jáne Alladan qorqyńdar. Sháksiz Alla, ne istegenderińdi tolyq biledi» (59:18).
Óz ýaqytyńyzǵa degen kózqarasyńyzdy, qarym-qatynasyńyzdy ózgertińiz, áleýmettik jelilerdi jaıyna qaldyryńyz, teledıdardy uzaq qaraýdan bas tartyńyz da ýaqytyńyzdy ózińiz razy bolatyndaı etip tıimdi de paıdaly ótkizýge tyrysyńyz.
Bizdiń duǵalarymyz bizdiń arman-tilekterimizdiń kórinisi bolyp tabylady. Myna bir duǵa jıi aıtylatyn duǵalardyń biri bolyp tabylady:
«Rabbana atına fıddýnıa hasanat ýa fıl ahıratı hasanatan ý akyna azaban nar»
«Rabbymyz! Bizge dúnıede de jaqsylyq ber ári aqyrette de jaqsylyq ber. Jáne tozaq otynyń azabynan saqta» (2:201).
Eki dúnıede de jaqsylyq ber dep Alladan surar bolsaq, aldymen, Alla razylyǵyna qol jetkizý úshin, bizge ýaqytymyzdy durys paıdalaný jaýapkershiligi júkteledi.
Sol úshin:
1. Aldyńyzǵa maqsat qoıyp, osy jylǵa jospar quryńyz.
2. Osy jyly qandaı bilimge ıe bolǵyńyz keletinin anyqtańyz.
3. Qarjy, shyǵyn, qaıyr-sadaqaǵa qatysty kózqarasyńyzdy qaıta qarastyryńyz.
4. Ómirińizge jáne aınalysyp júrgen isińizge kóńilińiz tola ma, joq pa? Osy máselege asa nazar aýdaryńyz.
5. Jaqsy musylman bolý úshin ne jasaı alasyz?
6. Otbasy múshelerimen qatynasyńyzdy nyǵaıtyńyz. Bizdiń otbasymyz – bizdiń eń jaqyn adamdarymyz, olardy Alla Taǵala ómirimizdiń barlyq ýaıym-qaıǵysyn bólisetin serikterimiz etip jaratqan. Bizdiń ata-anamyz, balalarymyz, kúıeýimiz ben áıelimiz – osy adamdarǵa, birinshi kezekte, kóńil
qoıýǵa, jaqsy qatynasta bolýǵa, túsinýshilikpen, tipti sadaqa berýge de mindettimiz. Óz jaqyn-týystaryńyzǵa ýaqyt bólýdi umytpańyz, olardy jabyrqatpańyz, áke, kúıeý, ul retindegi rólińizdi jaqsy atqarýǵa tyrysyńyz.
7. Bir jyl ishinde oqyp shyǵatyn kitaptar tizimin quryńyz. Alla Elshisi (ﷺ) musylmandarǵa únemi bilimge talpyný mindetin júktegen. Musylman úshin ıgilik pen bilimge jeteleıtin úzdik kásiptiń biri – kitap oqý. Kitap oqý arqyly adam balasy óziniń oı-órisin keńeıtip, bilimin artyratyn bolady. Qasıetti Kitap – Qurandy oqýdy ádetke aınaldyryńyz!
